نقیب قتل کیس،سندھ ہائیکورٹ میں رائو انوار کی بریت کیخلاف اپیل سماعت کیلئے منظور

بدھ 13 دسمبر 2023 22:45

کراچی(اُردو پوائنٹ اخبارتازہ ترین - این این آئی۔ 13 دسمبر2023ء) سندھ ہائیکورٹ نے نقیب اللہ قتل کیس میں سابق پولیس افسر را ئوانوار کی بریت کے خلاف درخواست کو سماعت کیلئے منظور کرلیا۔بدھ کوسندھ ہائیکورٹ میں سابق ایس ایس پی ملیر را ئوانوار اور دیگر کی بریت کے خلاف اپیلوں کی سماعت ہوئی۔

(جاری ہے)

اپیل میں موقف اختیار کیا گیاکہ انسداد دہشت گردی عدالت نے رائو انوار سمیت دیگر ملزمان کو بری کرکے شواہد کو نظر انداز کیا، انسداد دہشت گردی کے فیصلے کو کالعدم قرار دیا جائے۔

عدالت نے رائو انوار کی بریت کے خلاف اپیل سماعت کیلئے منظور کرلی۔ سندھ ہائیکورٹ نے انسداد دہشت گردی عدالت سے کیس کا مکمل ریکارڈ بھی طلب کرلیا۔عدالت نے پراسیکیوٹر جنرل سندھ سے بھی جواب طلب کرلیا۔ واضح رہے کہ کراچی کی انسداد دہشت گردی عدالت نے نقیب اللہ قتل کیس کا فیصلہ 23جنوری 2023کو سنایا تھا اور عدم شواہد کی بنا پر را ئوانوار سمیت 18ملزمان کو بری کردیا تھا۔