فروری کو پاکستان کا اہم ترین الیکشن ،نواز شریف کی قیادت میں بھرپور کامیابی حاصل کرینگے‘ شہبازشریف
منگل 26 دسمبر 2023 16:44
(جاری ہے)
اس موقع پر پارٹی قائد نواز شریف ، مریم نواز ، اسحا ق ڈار، حمزہ شہباز، احسن اقبال، رانا ثنا اللہ خان، سردار ایاز صادق، خواجہ سعد رفیق ، میاں جاوید لطیف، مریم اورنگزیب اور دیگر بھی موجود تھے ۔
نواز شریف کی گلے کی خرابی کی وجہ سے شہباز شریف امیدواروں سے مخاطب ہوئے او رخطاب کیا ۔ شہباز شریف نے کہا کہ اللہ تعالیٰ سے دعا ہے کہ پارٹی قائد کو جلد سے جلد صحت کاملہ عطا کرے اور وہ خود وفود سے مخاطب ہوں ۔شہباز شریف نے کہا کہ میں خیبر پختوانخواہ سے آنے والی بہنوں اور بھائیوں کو پارٹی قائد نواز شریف کی طرف سے ، اپنی اور سارے پارلیمانی بورڈ کی طرف سے خوش آمدید کہتا ہوں ۔8فروری کو پاکستان کا اہم ترین الیکشن ہونے جارہا ہے ۔پارٹی قائد نواز شریف جلا وطنی کے بعد وطن واپس تشریف لائے ہیں جس سے پارٹی میں بے پناہ جوش و جذبہ ابھرا ہے ۔21اکتوبر کا مینار پاکستان پر تاریخ کا کامیاب ترین جلسہ ہوا جس میں خیبر پختوانخواہ کی شرکت دیدنی اورمثالی تھی او رمیں سمجھتا ہوں اس کے لئے پارٹی قائد اور ہم سب ایک مرتبہ پھر آپ کو دل کی اتھاہ گہرائیوںسے مبارکباد پیش کرتے ہیں۔ انہوںنے کہا کہ الیکشن میں پارٹی قائد نواز شریف کی لیڈر شپ میں میدان میں اتر رہے ہیں اور مجھے امید ہے کہ اللہ کے فضل و کرم اور آپ سب کے بھرپو رتعاون اور مدد سے ہم انتخابی میدان میں کامیابی حاصل کریں گے ۔شہباز شریف نے کہا کہ نواز شریف کی قیادت میں مسلم لیگ (ن) کی جو پاکستان کی ترقی ،خوشحالی اور استحکام کے لئے چند بڑی بڑی خدمات ہیں میں ان کے بارے میں بات کرنا چاہتا ہوں ۔ کسی بھی ملک میں امن اور استحکام ہوگا تو ترقی و خوشحالی کا سفر شروع ہوگا، اگر امن او راستحکام نہیں ہوگا کہاں کی ترقی او رکہاں کی خوشحالی ۔نواز شریف اپنی بھرپور کاوشوں کو بروئے لا کر کراچی کا امن واپس لائے ، کراچی میں خود جا کر لاء انفورسنگ ایجنسیز کی میٹنگز کیں۔ میں جب 2018میں کراچی گیا تو وہاں کے لوگوں نے کہا کہ ہم بار بار نواز شریف کا شکریہ ادا کرتے ہیں جنہوںنے کراچی کا امن بحال کیا ۔ اسی طرح نواز شریف کی قیاد ت میں ملک سے 20،20گھنٹے کی لوڈ شیڈنگ کے اندھیرے ختم ہوئے اور وہ ایک تاریخ کا حصہ بن چکا ہے ،خیرپختوانخواہ میں300 پن بجلی کے منصوبے اور چھوٹے ڈیمز بنائے ، اگر ملک سے لوڈ شیڈنگ کا خاتمہ نہ ہوتا تو آج ہماری صنعتوں کی چمنیوں سے دھواں سے نہ نکلتا۔ ملک کے اندر سے دہشگردی کے خاتمے کیلئے قائد نواز شریف کی لیڈر شپ میں ضرب عضب اوررد الفساد آپریشن کے فیصلے ہوئے اور پھر پوری قوم نے افواج پاکستان اور لاء انفسورسنگ ایجنسیز کے ساتھ مل کر ملک سے دہشتگردی کا خاتمہ کیا اور صرف دوست ہی نہیں بلکہ ہمارے سیاسی مخالف بھی اس کو تسلیم کرتے ہیں ، یہ و ہ عظیم خدمات ہیں جو نواز شریف نے سر انجام دی ہیں۔انہوں نے کہا کہ پشاور میں بی آر ٹی پشاور کا جو حشر ہو اگر خیبر پختوانخواہ میں بھی نواز شریف کی لیڈر شپ میسر ہوتی تو بی آر ٹی کا منصوبہ اسی طرح تکمیل کو پہنچتا جس طرح یہاں پر اورنج لائن اورمیٹر و بسز کے منصوبے پایہ تکمیل کو پہنچے ۔ کراچی میں دوسری جماعت کی حکومت تھی لیکن نواز شریف نے ذاتی کوششیںکیں اور وفاق سے سو فیصد فنڈنگ سے گرین لائن کا منصوبہ مکمل ہوا ،یہ وہ عظیم خدمات ہیں جو ہمیں اپنے سامنے رکھنی چاہئیں۔ ان شا اللہ اگر آپ دل و جان کے ساتھ خیبر پختوانخواہ کے انتخابسات میں اپنا حصہ ڈالیں گے تو نواز شریف کا سنہرا دور ابھر کر سامنے آئے گا اورپاکستان ایک بار پھر ترقی اور خوشحالی کے سفر پر گامزن ہوگا۔مزید قومی خبریں
-
پنجاب میں مزید بارشیں متوقع، وزیراعلیٰ کا پیشگی حفاظتی اقدامات کا حکم
-
وفاقی وزیرداخلہ کا اسلام آباد میں امن عامہ کو بہتر بنانے ،جرائم پیشہ ،کا منشیات کی خرید و فروخت میں ملوث گینگز کے خلاف بھرپور کریک ڈاؤن کا حکم
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.