الیکشن کمیشن ،ضابطہ اخلاق کی خلاف ورزی پر مختلف امیدواروں،سرکاری حکام اور بلدیاتی نمائندوں کو جرمانے

اسلام آباد (اُردو پوائنٹ اخبارتازہ ترین - اے پی پی۔ 31 جنوری2024ء) الیکشن کمیشن نےضابطہ اخلاق کی خلاف ورزی پر مختلف امیدواروں،سرکاری حکام اور بلدیاتی نمائندوں کو جرمانے اور خلاف ورزیوں پر ازخود طلب بھی کرلیا ہے۔الیکشن کمیشن کی جانب سے جاری بیان میں ترجمان نے کہا کہ ڈسٹرکٹ مانیٹرنگ افسران کی طرف سےضابطہ اخلاق کی خلاف ورزیوں پر کارروائیاں اور جرمانے جاری ہیں۔

ضلع ہنگو میں چئیرمین نیبرہڈ کونسل گل باغ عارف خان پر 5 ہزار روپے جرمانہ عائد جبکہ چئیرمین ویلیج کونسل مردو خیل کو یکم فروری کو پیش ہونیکا نوٹس دیا گیا ہے۔ مردان حلقہ پی کے 58 مردان آزاد امیدوار ذوالفقار خان کو 25 ہزار روپے جرمانہ کیا گیا۔لکی مروت تحصیل چئیرمین غزنی خیل محمد ذیشان خان کو31 جنوری کو طلب کیا گیا ہے۔

(جاری ہے)

کوہاٹ پی کے 90 سے جے یو آئی کے امیدوار حاجی محمد شعیب پر 20 ہزار روپے جرمانہ عائد کیا گیا ہے۔

پی کے 90 کوہاٹ سے تحریک لبیک کے امیدوار مفتی سیف اللہ قریشی، پی کے 92 سے تحریک لبیک کے امیدوار مفتی زر ولی شاہ اور این اے 35 سے تحریک لبیک کے امیدوار نجیب اللہ درانی کو فی کس 3 ہزار روپے جرمانہ کیا گیا ہے۔پی کے 91 کوہاٹ سے آزاد امیدوار داود آفریدی کو 10 ہزار روپے جرمانہ،این اے 35 کوہاٹ کے آزاد امیدوار شہریار آفریدی اور لعل سعید آفریدی ، پی کے 92 اے این پی امیدوار مسعود خان خلیل کو 31 جنوری کو پیش ہونیکا نوٹس دیا گیا۔

ڈی آئی خان، پی کے 113 کے امیدوار عمران جاوید عرف سہیل راجپوت ، احمد کریم کنڈی اور مئیر سٹی کونسل عمر امین خان کو 30 ہزار روپے جرمانہ فی کس کیا گیا ہے۔پی کے 113 ڈی آئی خان سے مسلم لیگ ن کے امیدوار سرہان احمد، جماعت اسلامی کے زاہد محب اللہ اور این اے 44 کے آزاد امیدوار تنویر جتوئی کو یکم فروری کو پیش ہونے کا نوٹس جاری کیا گیا ہے۔بنوں سے پی کے 100 میں اے این پی کے امیدوار اصغر نواز، جماعت اسلامی کے اختر علی کو 10 ہزار روپے فی کس جرمانہ کیا گیا ہے۔

این اے 39 بنوں جے یو آئی کے امیدوار زاہد اکرم درانی کو 20 ہزار ، پی ٹی آئی پی کے سید قیصر عباس شاہ کو 10 ہزارجبکہ جماعت اسلامی کے پروفیسر ابراہیم کو 5 ہزار روپے جرمانہ کیا گیا ہے۔پی کے 99 سے جے یو آئی کے امیدوار شیر اعظم وزیر کو 10ہزار روپے جرمانہ کیا گیا ہے۔ڈسٹرکٹ مانیٹرنگ افسر خیرپور نے ضابطہ اخلاق کی خلاف ورزی پر بروقت ایکشن لیتے ہوئے سرکاری ملازم اکبر لاشاری کو خلاف ضابطہ پیپلز پارٹی کی امیدوار نفیسہ شاہ کی تاج پوشی کرنے پر 50 ہزار روپے جرمانہ عائد کیا ہے۔