عوامی نیشنل پارٹی کے مرکزی کونسل کا اجلاس، اسفندیار ولی خان رہبر تحریک، ایمل ولی خان مرکزی صدر منتخب

پشاور (اُردو پوائنٹ اخبارتازہ ترین - اے پی پی۔ 05 مئی2024ء) عوامی نیشنل پارٹی (اے این پی) کے انٹرا پارٹی انتخابات کے سلسلے میں پارٹی کے مرکزی کونسل نے اسفندیار ولی خان کو رہبر تحریک، ایمل ولی خان کو مرکزی صدر جبکہ ڈاکٹر محمد سلیم خان کو سیکرٹری جنرل منتخب کرلیا۔اے این پی کی جانب سے جاری بیان کے مطابق پارٹی کے مرکزی کونسل کا اجلاس چیئرمین مرکزی الیکشن کمیشن میاں افتخار حسین کی صدارت میں اتوار کو باچا خان مرکز پشاور میں منعقد ہوا۔

بیان کے مطابق اے این پی سربراہ اسفندیار ولی خان عوامی نیشنل پارٹی کے رہبر تحریک اور سینیٹر ایمل ولی خان متفقہ طور پر عوامی نیشنل پارٹی کے مرکزی صدر منتخب کرلئے گئے ہیں۔سابق وزیراعلی امیر حیدر خان ہوتی نے صدارت کیلئے سینیٹر ایمل ولی خان کا نام تجویز کیا ۔

(جاری ہے)

مرکزی کونسل کے تمام اراکین نے سینیٹر ایمل ولی خان کے نام کی منظوری دے دی۔

سینیٹر داؤد خان مرکزی سینئر نائب صدر جبکہ ڈاکٹر محمد سلیم خان سیکرٹری جنرل ہوں گے، اسلام آباد سے جواد خٹک نائب صدر جبکہ عفت کلثوم نائب صدر ، خیبر پختونخوا سے پرویز خان (صوابی) نائب صدر جبکہ ڈاکٹر نورجہان خاتون نائب صدر ،بلوچستان سے فریداللہ دمڑ نائب صدر جبکہ سلمی کاکڑ خاتون نائب صدر،پنجاب سے سید عطاء اللہ شاہ نائب صدر جبکہ قدسیہ شاہین ایڈوکیٹ نائب صدر اور سندھ سے انور زیب خان نائب صدر جبکہ شازیہ رزاق مروت نائب صدر ہوں گی اسی طرح سرائیکی یونٹ سے محمد ندیم قریشی نائب صدر جبکہ عابدہ خان نائب صدر ہوں گی، عبیداللہ عابد ایڈیشنل جنرل سیکرٹری، اورنگزیب خان ڈپٹی جنرل سیکرٹری جبکہ جاوید کاکڑ ايڈیشنل ڈپٹی جنرل سیکرٹری ہوں گے،سینیٹر حاجی ہدایت اللہ خان مرکزی سیکرٹری مالیات جبکہ انجینئر احسان اللہ ترجمان منتخب کرلئے گئے ہیں۔

سردار حسین بابک سیکرٹری خارجہ امور جبکہ خادم حسین سیکرٹری ثقافت ہوں گے،خیبر پختونخوا سے حسین احمد (خان نواب) جائنٹ سیکرٹری جبکہ شگفتہ ملک خاتون جائنٹ سیکرٹری ہوں گی. بلوچستان سے محمد انور خان جائنٹ سیکرٹری جبکہ شاہینہ کاکڑ خاتون جائنٹ سیکرٹری اور پنجاب سے بہادر خان جائنٹ سیکرٹری جبکہ حدیبہ رفیق خاتون جائنٹ سیکرٹری ہوں گی۔ سندھ سے حنیف شاہ آغا جائنٹ سیکرٹری جبکہ عروج غفور خاتون جائنٹ سیکرٹری جبکہ فیڈرل کیپیٹل اسلام آباد سے قاضی اظہار جائنٹ سیکرٹری جبکہ صائمہ بشیر خاتون جائنٹ سیکرٹری ہوں گی۔

سرائیکی یونٹ سے ڈاکٹر محمد اکرم خان جائنٹ سیکرٹری جبکہ نوشین خان خاتون جائنٹ سیکرٹری ہوں گی۔مولانا خانزیب مرکزی سیکرٹری برائے علماء جبکہ ڈاکٹر وقار احمد سیکرٹری امور اساتذہ ہوں گے۔عظیم خان بلور اور وگمہ بازئی مرکزی سیکرٹری یوتھ افیئرز منتخب کرلئے گئے ہیں۔ سیف اللہ فضل سیکرٹری سوشل میڈیا جبکہ امرجیت ملہوترا سیکرٹری اقلیتی امور ہوں گے۔

خوشدل خان ایڈوکیٹ مرکزی سیکرٹری برائے انسانی حقوق منتخب کرلئے گئے ہیں۔محمد فاروق بنگش سیکرٹری لیبر جبکہ سردار رشید خان ناصر سیکرٹری برائے امور طلباء ہوں گے۔ سنگین خان ایڈوکیٹ مرکزی سیکرٹری برائے امور وکلاء منتخب کرلئے گئے ہیں۔ ڈاکٹر شوکت جمال امیرزادہ مرکزی سیکرٹری برائے بہبود ڈاکٹران ہوں گے۔ انجینئر زردعلی خان سیکرٹری برائے امور انجینئر منتخب کرلئے گئے ہیں۔ ڈاکٹر مہرب معیز اعوان سیکرٹری برائے حقوق خواجہ سراء ہوں گی. ملک فقیر علی مرکزی سالار منتخب کرلئے گئے ہیں۔مرکزی کونسل نے نئی کابینہ کی متفقہ طور پر منظوری دے دی ہے. کونسل اجلاس میں ملک بھر سے اراکین اور ذمہ داران نے شرکت کی۔