مالیاتی گوشوارے جمع نہ کرانے پر سینیٹ ،قومی اسمبلی اور چاروں صوبائی اسمبلیوں کے 139 اراکین کی رکنیت معطل

اسلام آباد(اُردو پوائنٹ اخبارتازہ ترین - آن لائن۔ 16 جنوری2025ء)الیکشن کمیشن نے مالیاتی گوشوارے جمع نہ کرانے پر سینیٹ ،قومی اسمبلی اور چاروں صوبائی اسمبلیوں کے مجموعی طور پر 139 اراکین پارلیمنٹ کی رکنیت معطل کردی، سینیٹ کے دو قومی اسمبلی کے 16 ،پنجاب اسمبلی کے 68,سندھ اسمبلی کے 15 خیبر پختونخوا اسمبلی کے 33جبکہ بلوچستان اسمبلی کے 5اراکین کی رکنیت معطل کی گئی ہے،معطل اراکین قومی اسمبلی اور کمیٹیوں کے اجلاسوں میں شرکت نہیں کرسکیں گے ،معطل اراکین سے چیرمین سینٹ اور سپیکر قومی اسمبلی سمیت صوبائی اسمبلیوں کے سپیکر صاحبان کو اگاہ کردیا گیا ۔

الیکشن کمیشن نے سالا نہ مالیاتی گوشوارے جمع نہ کرانے والے اراکین سینیٹ ،قومی اور صوبائی اسمبلیوں کے اراکین کی رکنیت معطل کردی ہے الیکشن کمیشن کی جانب سے جاری ہونے والے نوٹیفیکیشن کے مطابق ایوان بالا کے دو سینیٹر زسینٹر محمد قاسم اور عبدالقدوس کی رکنیت معطل کی گئی ہے جبکہ قومی اسمبلی کے معطل ہونے والے 16اراکین میں میاں محمد اظہر،طارق بشیر چیمہ،اختر مینگل،محبوب سلطان ،علی قاسم گیلانی،طاہر اقبال،فرخ الطاف سمیت دیگر شامل ہیں نوٹیفیکیشن کے مطابق پنجاب اسمبلی کے 68 اراکین کی رکنیت معطل کی گئی ہے جن میں صاحبزادہ گزین عباسی،فرحت عباس،جاوید کوثر سمیت دیگر شامل ہیں نوٹفیکیشن کے مطابق سندھ اسمبلی کے 15 اراکین کی رکنیت معطل کی گئی ہے جن میں امیر جماعت اسلامی حافظ نعیم الرحمان کی رکنیت بھی معطل کی گئی ہے نوٹیفکیشن کے مطابق خیبرپختونخواہ اسمبلی کے 33 اراکین کی رکنیت معطل کی گئی ہے جن میں صوبائی وزیر عدنان قادری۔

(جاری ہے)

مینا خان،فضل الہی سمیت دیگر شامل ہیں نوٹیفیکیشن کے مطابق بلوچستان اسمبلی کے 5 اراکین کی رکنیت معطل کی گئی ہے نوٹیفیکیشن کے مطابق ان اراکین کی رکنیت مالی سال 2023۔2024 کے سالانہ گواشوارے جمع نہ کرانے پر رکنیت معطل کی گئی ہے یہ اراکین پارلیمنٹ و صوبائی اسمبلی رکنیت بحالی تک قانون سازی اور اجلاسوں میں شرکت نہیں کرسکیں گے الیکشن کمیشن نے چیئرمین سینیٹ اور سپیکرز قومی و صوبائی اسمبلیوں کو معطل اراکین سے متعلق آگاہ کردیاہے ۔۔۔۔۔۔اعجاز خان