ڈاکٹر عافیہ صدیقی کو انسانی ہمدردی کی بنیاد پر رہا کیا جائے‘ سراج الحق

سابق امیر جماعت اسلامی سے امریکی پولیٹیکل کونسلر برائے پاکستان کی ملاقات

جمعہ 7 مارچ 2025 22:45

اسلام آباد(اُردو پوائنٹ اخبارتازہ ترین - این این آئی۔ 07 مارچ2025ء)سابق امیر جماعت اسلامی پاکستان سراج الحق سے امریکی پولیٹیکل کونسلر برائے پاکستان زاچارے ہارکنرائیڈر نے اسلام آباد میں ملاقات کی۔ اس موقع پر گفتگو کرتے ہوئے سراج الحق نے کہا کہ ڈاکٹر عافیہ صدیقی کو انسانی ہمدردی کی بنیاد پر رہا کیا جائے۔ افغانستان اور پاکستان برادر اسلامی ملک ہیں دونوں کا امن یکساں ہیں۔

(جاری ہے)

امریکہ غزہ کے لوگوں کو متبادل جگہ دینے کے منصوبے کو ترک کرے اور اسرائیل کو تباہ کن اسلحہ کی فراہمی سے باز رہے، فلسطین فلسطینیوں کا ہے ان کو دنیا کا کوئی بھی قانون اپنی سرزمین سے بے دخل نہیں کر سکتا۔ پاکستان کا مسئلہ آئی ایم ایف کی امداد نہیں بلکہ خراب طرز حکمرانی اور کرپشن ہے۔ خیبرپختونخوا اور بلوچستان میں بدامنی کی وجہ بنیادی انسانی حقوق اور سیاست کا آزاد نہ ہونا ہے۔