امریکہ کا پاکستان پر سفری پابندیاں لگانا مناسب نہیں، کوشش ہے کہ پابندیاں نہ لگیں

میرا نہیں خیال کہ شریف اللہ کا حوالگی کا ٹرین واقعے سے کوئی تعلق ہے، ہوسکتا ہے کہ دہشتگردوں کو دکھ ہو کہ شریف اللہ کو کیوں امریکا کے حوالے کیا گیا، پی ٹی آئی سانحہ جعفر ایکسپریس پر پروپیگنڈا کررہی ہے، وزیردفاع خواجہ آصف

ثنااللہ ناگرہ ہفتہ 15 مارچ 2025 23:03

امریکہ کا پاکستان پر سفری پابندیاں لگانا مناسب نہیں، کوشش ہے کہ پابندیاں ..

سیالکوٹ ( اردوپوائنٹ اخبار تازہ ترین۔ آئی پی اے ۔ 15مارچ 2025ء ) وزیردفاع خواجہ آصف نے کہا ہے کہ میرا نہیں خیال کہ شریف اللہ کا حوالگی کا ٹرین واقعے سے کوئی تعلق ہے، پی ٹی آئی سانحہ جعفر ایکسپریس پر پروپیگنڈا کررہی ہے۔ انہوں نے سیالکوٹ میں میڈیا سے مختصرگفتگو کرتے ہوئے کہا کہ امریکہ کی جانب سے پاکستان پر سفری پابندیاں لگانا مناسب نہیں تاہم کوشش ہے کہ پاکستان پر سفری پابندی نہ لگیں ۔

میرا نہیں خیال کہ شریف اللہ کا حوالگی کا ٹرین واقعے سے کوئی تعلق ہے، ہوسکتا ہے کہ دہشتگردوں کو دکھ ہو کہ شریف اللہ کو کیوں امریکا کے حوالے کیا گیا۔ پی ٹی آئی سانحہ جعفر ایکسپریس پر پروپیگنڈا کررہی ہے، اتنے روز گزرنے کے بعد بھی بانی پی ٹی آئی نے واقعے کی مذمت نہیں کی۔بانی پی ٹی آئی جیل سے تین تین چارچار صفحات کے خط لکھتا ہے ، اخبارات میں آرٹیکل اور بیانات دیتے ہیں لیکن قومی سانحہ پر مذمت نہیں کی۔

(جاری ہے)

خواجہ آصف نے کہا کہ بانی پی ٹی آئی دہشتگردوں کو افغانستان لائے۔ اور اپنے اقتدار کی ضمانت لی تھی۔ پی ٹی آئی نے آل پارٹیز کانفرنس (اے پی سی) میں شرکت مشروط کی ہے۔ اور ان کا مؤقف ہے کہ بانی پی ٹی آئی کو پیرول پر لایا جائے۔انہوں نے کہا کہ امریکہ کی جانب سے پاکستان پر سفری پابندیاں لگانا مناسب نہیں۔ اور حکومت نے اس مسئلہ کو اٹھایا ہے۔

ہفتہ 10 دن میں معاملہ حل ہوجائے گا۔ کوشش ہے کہ پاکستان پر سفری پابندی نہ لگے۔ یاد رہے ٹرمپ انتظامیہ نے پاکستان سمیت 43 ممالک کے شہریوں پر سفری پابندیوں کی تجاویز پر غور شروع کر دیا ہے ۔ امریکی اخبار واشنگٹن پوسٹ کے مطابق ٹرمپ انتظامیہ ایک نئی سفری پابندیوں کی فہرست پر غور کر رہی ہے جس میں مختلف ممالک کو تین مختلف کیٹیگریز میں شامل کیا جائے گا۔ رپورٹ میں بتایا گیا ہے کہ 10 ممالک کو اورنج لسٹ میں شامل کرنے کی تجویز ہے۔