نہریں نکالنے کے منصوبے کو روکنا پیپلزپارٹی کا بڑا یوٹرن ہے، برجیس طاہر

ننکانہ صاحب(اُردو پوائنٹ اخبارتازہ ترین - این این آئی۔ 07 اپریل2025ء)مرکزی نائب صدر پاکستان مسلم لیگ ن چوہدری محمد برجیس طاہر کا کہنا ہے کہ نواز شریف کے ویژن کے مطابق وفاقی حکومت نے بجلی کی قیمتیں کم کرکے عوام کے دل جیت لئے۔آئندہ وقت میں بجلی کی قیمتیں مزید کم ہوں گی جب تک بجلی کی قیمتیں کم نہیں ہوتی ملکی ایکسپورٹ میں اضافہ ناممکن ہے، جنوبی ایشیا اور ارد گرد کے ممالک کے ساتھ بجلی کے ریٹ پر ہمارا موازنہ نہیں ہے بجلی کی قیمتیں مزید کم کیے بغیر ہماری ایکسپورٹ آگے نہیں بڑھ سکتی اسی وجہ سے میاں محمد نواز شریف نے سنجیدگی سے محسوس کیا کہ آئی پی پی کے ساتھ مذاکرات اور عام آدمی کو سہولت دینے کے لیے ہمسایہ ممالک میں بجلی کی قیمتوں کے ساتھ مقابلہ کیا جائے۔

خطے میں مقابلے کی فضا کو قائم رکھنے ملک کی انڈسٹریل مصنوعات کو بہتر بنانے کے لیے بجلی کی قیمتوں میں کمی ہونا نہایت ضروری ہے انہوں نے کہا کہ دیامیر بھاشا ڈیم کے لیے نواز شریف نے اربوں روپے کی ادائیگیاں کی زمینیں دی گئیں جبکہ پیپلز پارٹی کے دور میں حکومت اور شہریوں کے درمیان تنازعہ کھڑا ہو گیا جس میں چار پانچ لوگ بھی مارے گئے۔

(جاری ہے)

اورکام روک دیا گیا۔

میاں نواز شریف نے صورتحال کی سنگینی کو دیکھتے ہوئے ملک کی صنعتی،معاشی اور سیاسی صورتحال کی بہتری کے لیے ڈیم ضروری قرار دیے برجیس طاہر نے کہا کہ صدر مملکت کی منظوری کے بعد چھ نہروں کے نکالنے کا کام اربوں روپے کی انویسٹمنٹ کوئی مذاق نہیں ہے چھ نہروں کے منصوبے کے تحت چولستان کے علاقے کو سیراب کیا جانا تھا ریکارڈ کے مطابق صدر پاکستان کی منظوری کے بعد پیپلز پارٹی نے بڑا یوٹرن لیتے ہوئے کہا کہ ان نہروں کو اسی طرح نہیں بننے دیں گے جس طرح کالا باغ ڈیم نہیں بننے دیا انہوں نے کہا کہ میں سمجھتا ہوں کہ کالا باغ ڈیم روک کر کچھ اچھا نہیں کیا گیا سندھی بھائیوں اور مخصوص طبقہ کو راضی تو کر لیا گیا حالانکہ کالا باغ ڈیم تقریبا مکمل ہو چکا تھا۔

مگر ضد کے باعث کالا باغ ڈیم نہ بننے دیا گیا واٹر بورڈ کے مطابق نہریں نکالنے کے منصوبے کی صدر پاکستان نے منظوری دے دی تھی اب ان کو ڈبل مائنڈڈ نہیں ہونا چاہیے اس سے مخالفین کو مذاق اڑانے کا بھی موقع ملے گا انہوں نے کہا کہ پاکستان پیپلز پارٹی کا نہروں کی کھدائی پر یو ٹرن قابل تشویش ہے وہ سانگلہ ہل کے نواحی گاں میں ڈی ایس پی ظفراقبال ہوار کے گھرمبارکباد دینے پہنچے۔انہوں نے ڈی ایس پی کوگلدستہ پیش کیا اورنیک تمناں کا اظہار کیا اس موقع پرچوہدری محمد عاصم رندھاوا ،چوہدری احمد شیر ظفر،چوہدری سلطان ظفر،محمدیوسف راجپوت سمیت کارکنان کی بھاری تعداد موجود تھی۔