پیٹرول کی قیمت میں عوام پر کوئی اضافی بوجھ نہیں ڈالا گیا یہ تاثر زائل ہونا چاہئے

ایک سال میں مجموعی طور پر پیٹرول کی قیمت 40 روپے کم کی گئی ہے، وفاقی کابینہ نے اتفاق رائے سے فیصلہ کیا کہ ان پیسوں سے این 25روڈ بنائی جائے گی۔وزیرمملکت بیرسٹر عقیل ملک

ثنااللہ ناگرہ بدھ 16 اپریل 2025 23:50

پیٹرول کی قیمت میں عوام پر کوئی اضافی بوجھ نہیں ڈالا گیا یہ تاثر زائل ..

اسلام آباد ( اردوپوائنٹ اخبار تازہ ترین۔ آئی پی اے ۔ 16 اپریل 2025ء ) وزیرمملکت بیرسٹر عقیل ملک نے کہا ہے کہ پیٹرول کی قیمت میں عوام پر کوئی اضافی بوجھ نہیں ڈالا گیا یہ تاثر زائل ہونا چاہئے،پچھلے سال میں مجموعی طور پر پیٹرول کی قیمت 40 روپے کم کی گئی ہے۔ انہوں نے ہم نیوز کے پروگرام میں گفتگو کرتے ہوئے کہا کہ تاثر دیا جارہا ہے کہ پیٹرول کی قیمت میں عوام پر کوئی اضافی بوجھ نہیں ڈالا گیا یہ تاثر زائل ہونا چاہئے۔

عالمی مارکیٹ میں پیٹرولیم مصنوعات کی قیمتیں ایک دن پہلے کم ہوئیں، وفاقی کابینہ نے اتفاق رائے سے فیصلہ کیا کہ ان پیسوں سے این 25روڈ بنائی جائے گی، بلوچستان کی ہرکوئی بات کرتا ہے بلوچستان کو ریلیف دینا بنتا ہے۔ عید کے موقع پر وزیراعظم نے بجلی کے بلوں پر عوام کو ریلیف دیا۔

(جاری ہے)

پچھلے سال میں مجموعی طور پر پیٹرول کی قیمت 40 روپے کم کی گئی ہے۔

اس موقع پرسابق وزیرخزانہ مفتاح اسماعیل نے ہم نیوز کے پروگرام میں گفتگو کرتے ہوئے کہا کہ رواں سال جنوری کے شروع میں پیٹرول پر لیوی 60روپے فی لیٹر تھی، جب جب عالمی منڈی میں پیٹرول اور ڈیزل کی قیمتیں بڑھتی گئی تو ہم بھی یہاں قیمتیں بڑھاتے گئے۔پچھلے مہینے پیٹرول اور ڈیزل کی قیمتیں کم ہوئیں تو حکومت نے لیوی 10،10روپے بڑھا کر 70 روپے کردی ۔

جس سے حکومت کو ماہانہ 17ارب روپے اکٹھے ہوئے، اب بجلی کی قیمت میں کمی کردی، یعنی عوام سے ایک ہاتھ سے لیا اور دوسرے ہاتھ واپس کردیا۔میں نے پہلے بھی کہا تھا کہ حکومت نے آئی ایم ایف کو کہا ہوا ہے کہ عالمی مارکیٹ میں پیٹرول سستا ہونے کے باوجود یہ نہیں سستا نہیں کریں گے، اب حکومت نے 78روپے لیوی پیٹرول اور 77روپے ڈیزل پر لیوی کردی ہے۔ اب کہہ رہے کہ بلوچستان کی سڑک بنانی ہے، بلوچستان میں حالات کا فائدہ اٹھا رہے ہیں، حکومت نے 77ارب کی موٹروے رائیونڈ سے اوکاڑا کی طرف بن رہی ہے، ایک موٹروے سیالکوٹ سے کھاریاں اور راولپنڈی ، بجٹ پورے پاکستان کا ہے، یہ پنجاب کا بجٹ نہیں ہے، کہ پنجاب کا بنا رہے ہیں اور جب بلوچستان کی سڑک بنانی ہوتو کہتے الگ لیوی لگائیں گے؟حکومت کے پاس بہت پیسا پڑا ہے بلوچستان کی سڑک بھی بن سکتی ہے، اس وقت ہر صوبے کے پاس بجٹ سرپلس میں ہے۔

میں منی بجٹ اس لئے کہہ رہا کہ پچھلے مہینے 17ارب ، اس ماہ 30ارب ٹیکس بڑھایا ہے، اب مئی اور جون کے مہینے میں پھر 30، 30ارب روپے کا ٹیکس آئے گا، تو اس کو منی بجٹ ہی کہا جائے گا۔