Live Updates

/ڈی جی سپورٹس پنجا ب خضرافضال چودھری سے جنوبی افریقہ سے تعلق رکھنے والے عالمی شہرت یافتہ کوچ لڈوچے وان ڈوینٹر کی ملاقات

لڈوچے وان ڈوینٹر پاکستان رگبی کی ترقی کیلئے ایک سال تک پاکستان میں کام کریں گے،پاکستان کی ایک بہترین رگبی ٹیم بنائیں گے،ڈی جی سپورٹس پنجاب لڈوچے وان ڈوینٹرانڈر14،16،17کے بہترین کھلاڑی تیارکریں گے اور پاکستان کے تمام صوبوں اور یونٹس کی 5ٹیمیں تیار کرکے میچز کروائیں گے،خضرافضال چودھری C مجھے پاکستان آکر خوشی ہوئی ہے،پاکستانی کھلاڑیوں میں کافی ٹیلنٹ ہے،میرا ٹارگٹ پاکستان کی بہترین رگبی ٹیم تیار کرنا ہے،عالمی شہرت یافتہ رگبی کوچ لڈوچے وان ڈوینٹر

جمعرات 24 اپریل 2025 18:25

vلاہور (اُردو پوائنٹ اخبارتازہ ترین - آن لائن۔ 24 اپریل2025ء) ڈائریکٹر جنرل سپورٹس پنجا ب خضرافضال چودھری سے جنوبی افریقہ سے تعلق رکھنے والے عالمی شہرت یافتہ رگبی کوچ لڈوچے وان ڈوینٹرنے ملاقات نیشنل ہاکی سٹیڈیم میں ان کے آفس میں ملاقات کی ہے، بدھ کے روز ہونیوالی ملاقات میں پاکستان میں رگبی کے فروغ کیلئے تبادلہ خیال کیا گیا ہے، اس موقع پر علی گیلانی بھی موجود تھے،ڈائریکٹرجنرل سپورٹس پنجا ب خضرافضال چودھری نے اس موقع پر کہا ہے کہ لڈوچے وان ڈوینٹر پاکستان رگبی کی ترقی کیلئے ایک سال تک پاکستان میں کام کریں گے، اس سے پہلے وہ امریکہ ، بھارت،یوگنڈا سمیت کئی ممالک کی کوچنگ کرچکے ہیں، لڈوچے وان ڈوینٹرپنجاب سٹیڈیم میں پاکستان کے تمام صوبوں اور یونٹس کی 5ٹیمیں تیار کرکے میچز کروائیں گے اورپاکستان کی ایک بہترین رگبی ٹیم بنائیں گے،ڈی جی سپورٹس پنجاب خضرافضال چودھری نے مزید کہا ہے کہ سپورٹس بورڈ پنجاب رگبی کے فروغ کیلئے اپنا بھرپور کردار ادا کرے گا، لڈوچے وان ڈوینٹر انڈر14،16،17کے بہترین کھلاڑی تیارکریں گے،پنجاب سٹیڈیم میں رگبی کے مقابلے کروائے جائیں گے۔

(جاری ہے)

عالمی شہرت یافتہ رگبی کوچ لڈوچے وان ڈوینٹرنے کہا ہے کہ مجھے پاکستان آکر خوشی ہوئی ہے،پاکستانی کھلاڑیوں میں کافی ٹیلنٹ ہے، میرا ٹارگٹ پاکستان کی بہترین رگبی ٹیم تیار کرنا ہے۔