mبانی پی ٹی آئی چیف جسٹس آف پاکستان کے نام خط لکھ دیا

-اسلام آباد(اُردو پوائنٹ اخبارتازہ ترین - آن لائن۔ 25 اپریل2025ء)بانی پی ٹی آئی عمران خان نے چیف جسٹس پاکستان اور قائم مقام دونوں کے نام کوایک اور خط لکھ دیاہے،خط چیمبرمیں پہنچادیاگیاہے ،خط میں انھوں نے عدالتوں میں چلائے جانے والے مقدمات کے ٹرائل میں تاخیر سمیت کئی اہم معاملات پر تفصیلات سے آگاہ کیاہے انھوں نے سلمان اکرم راجا ایڈووکیٹ کے ذریعے لکھے گئے خط میں بتایاہے کہ ابھی تک دوسے بھی زیادہ مقدمات میں سے صرف دوسے تین مقدمات میں ٹرائل مکمل کیاگیاہے جبکہ باقی مقدمات میں تاحال کوئی پیش رفت نہیں ہوسکی ہے نہ ہی عدالتی احکامات پر عمل کیاجارہاہے ان کے بیٹوں سے ملاقات تک نہیں کرائی جارہی ہے اب تک صرف دوبارملاقات کرائی گئی ہے بیوی سے بھی جیل مین?ل کے مطابق ملاقات نہیں کرائی جارہی ہے نہ اخباردیاجارہاہے اور نہ ہی کتابین دی گئی ہیں۔

(جاری ہے)

بانی پی ٹی ا?ئی نے قومی ایشوز پر چیف جسٹس پاکستان اور قائم مقام چیف جسٹس کے نام خط لکھ دیا، سلمان اکرم راجا نے خط چیف جسٹس چیمبر میں پہنچادیا۔ عمران خان نے خط میں اپنے اور پارٹی رہنماؤں کیخلاف مقدمات، گرفتاریوں، جیل میں ملاقاتوں سمیت دیگر معاملات اٹھائے ہیں۔سلمان اکرم راجا نے بانی پی ٹی آئی کا خط چیف جسٹس چیمبر میں پہنچا دیا۔

خط چیف جسٹس یحیٰی آفریدی اور قائم مقام چیف جسٹس کے نام لکھا گیا ہے۔خط میں بانی پی ٹی آئی کیخلاف مقدمات کا تذکرہ ہے، خط میں 26 نومبر اور پارلیمنٹ سے ارکان کی گرفتاری کا بھی حوالہ دیا گیا ہے جبکہ بانی پی ٹی آئی سے ملاقات میں رکاوٹوں کی بھی تفصیل شامل ہے۔بانی پی ٹی آئی نے اپنے خط میں کہا ہے کہ قوم کو جمہوریت پر یقین دلانے کی ضرورت ہے، سارے حقائق ریکارڈ پر رکھے ہیں، سب مل کر ہی زخم بھر سکتے ہیں، یہ سارے حقائق آپ سے کارروائی کا تقاضا کرتے ہیں۔

بانی پی ٹی آئی کے جوڈیشری کو لکھے گئے خط کا عنوان "آئین کی حالت اور پاکستان میں قانون کا نفاذ" ہے، اس میں بانی پی ٹی آئی نے اپنے خلاف 200 سے زائد کیسز کا حوالہ دیا ہے۔خط کے متن میں کہا گیا ہے کہ مجھے اور بشریٰ بی بی کو قید میں رکھنا سیاسی انتقامی کارروائی ہے۔ انہوں نے شاہ محمود، یاسمین راشد، عمر سرفراز چیمہ، محمودالرشید اور اعجاز چوہدری کا بھی ذکر کیا ہے۔

خط میں بانی پی ٹی آئی کا کہنا ہے کہ چار ماہ میں صرف دو بار اپنے بیٹوں سے کال پر بات کی، بشریٰ بی بی سے ملاقات نہیں کروائی گئی، اخبار نہیں دیا جاتا، کئی دن چھوٹے سے سیل میں رکھا جاتا ہے۔خط میں یہ بھی کہا گیا ہے کہ بانی پی ٹی آئی کی جیل ٹرائل کی سماعت نہ ہونے کے باعث اہلخانہ اور وکلائ کیساتھ ملاقات نہیں ہوئی، فہرست کے مطابق بانی پی ٹی آئی سے وکلائ کی ملاقات نہیں کروائی جاتی۔بانی پی ٹی آئی نے چیف جسٹس کے نام خط میں 8 فروری انتخابات کا بھی تذکرہ کیا ہے۔ انہوں نے کہا ہے کہ آئینی بینچ کو فوجی عدالتوں، مخصوص نشستوں کے کیس پر فیصلہ کرنے کا اختیار دیا گیا ہے۔