Live Updates

پہلگام حملہ، بے بنیاد بھارتی الزامات پر شاہد آفریدی نے بھی آواز اٹھا دی

پاکستان اور بھارت کے درمیان سفارتی بات چیت ہی مسائل کا حل ، لڑائی سے کچھ حاصل نہیں ہوگا، کرکٹ کو سیاست کی نظر نہیں ہونا چاہیے : سابق کپتان

ذیشان مہتاب ہفتہ 26 اپریل 2025 10:32

پہلگام حملہ، بے بنیاد بھارتی الزامات پر شاہد آفریدی نے بھی آواز اٹھا ..

کراچی (اردو پوائنٹ تازہ ترین اخبار ۔ 26 اپریل 2025ء ) پاکستان کرکٹ ٹیم کے سابق کپتان شاہد آفریدی کا مقبوضہ کشمیر میں پہلگام حملے کے بعد بھارت کی جانب سے بے بنیاد الزامات پر ردعمل سامنے آگیا۔

48 سالہ شاہد آفریدی نے اپنے بیان میں کہا ہے کہ بھارت نے مقبوضہ کشمیر واقعے کا الزام پاکستان پر قبل از وقت لگایا، بھارت کا ثبوت کے بغیر پاکستان کو ذمہ دار ٹھہرنا افسوسناک ہے۔

(جاری ہے)

سابق ٹیسٹ کپتان نے کہا کہ پاکستان کو دہشت گردی کا سامنا ہے، مقبوضہ کشمیر میں انسانی جانوں کے ضیاع اور پاکستان میں بڑھتے دہشت گرد حملوں پر افسوس ہے۔

شاہد آفریدی کا کہنا تھا کہ پاکستان اور بھارت کے درمیان سفارتی بات چیت ہی مسائل کا حل ہے، لڑائی سے کچھ حاصل نہیں ہوگا، کرکٹ کو سیاست کی نظر نہیں ہونا چاہیے۔

واضح رہے کہ مقبوضہ کشمیر کے علاقے پہلگام میں 26 بھارتی سیاحوں کے قتل کے بعد پاکستان اور بھارت کے درمیان تناؤ بڑھ گیا ہے۔ بھارت کی جانب سے سندھ طاس معاہدے کی معطلی سمیت کیے جانے والے اقدامات پر پاکستان نے بھی بھرپور جواب دیا ہے۔