Live Updates

ہم وزیرِ اعظم اور آرمی چیف کی کاوشوں کو سراہتے ہیں: اوور سیز پاکستانیز

پیر 28 اپریل 2025 22:56

اسلام آباد (اُردو پوائنٹ اخبارتازہ ترین - آن لائن۔ 28 اپریل2025ء) قومی سطح پر اوورسیز کنونشن تعمیر وترقی کے لیے سنگ میل کی حیثیت رکھتا ہے۔ وزیراعظم میاں شہبازشریف اور سپہ سالار جنرل عاصم منیر کی طرف سے تارکین وطن کی غیر مشروط حمایت کا خیر مقدم کرتے ہیں، تارکین وطن کیلئے خصوصی عدالتوں کا قیام' میرپور ائیر پورٹ اور میڈیکل کالجز میں کوٹا مختص کرنے کے دیرپا نتائج نکلیں گے۔

ان خیالات کا اظہار آسٹریلیا اور امریکہ سے متعلق اورسیز کمیونٹی کی نمائندہ شخصیات رضوان خالق ، عامر امان ، عاطف نذر اور عاطف حبیب نے ڈائریکٹر آئی ٹی ڈیپارٹمنٹ پیر مہر علی شاہ بارانی یونیورسٹی ڈاکٹر ندیم احمد ملک سے گفتگو میں کیا۔ رضوان خالق ، عامر امان ، عاطف نذر اور عاطف حبیب نے وزیراعظم میاں شہبازشریف اور آرمی چیف سے درخواست کی کہ وہ تارکین وطن کو آئی ٹی' آئل انسڈسٹریز اور گوادر ٹرانسپورٹ سمیت مختلف شعبوں کے میگا پراجیکٹ سے منسلک کریں انشاء اللہ اووسیزز پاکستانی ملک وقوم کو مایوس نہیں کریں گے۔

(جاری ہے)

انہوں نے بتایا کہ وزیر خارجہ اور دیگر حکومتی زعما اورسیز پاکستانیوں سے متعلق رابطہ مضبوط کریں تاکہ زرترسیلات مسلسل بڑھتی رہے۔ یادد رہے بین الاقوامی اسلامی یونیورسٹی کے کمپیوٹر سائنسز کے پہلے سیشن کے طلباء گروپ پاکستان آسٹریلیا ، امریکہ اور کینیڈا میں انسانیت کی خدمت میں مصروف ہے۔ ملاقات کے دوران پرانی یادیں تازہ کرتے ہوئے پاکستان کی خوشحالی، مقبوضہ کشمیر اور فلسطین کی آزادی کیلئے خصوصی دعا کی گئی۔