Live Updates

آرمی چیف کے ہوتے بھارت پاکستان پرمیلی نگاہ ڈالنے کی جرات نہیں کرسکتا، گورنر سندھ

پیر 28 اپریل 2025 22:56

استنبول (اُردو پوائنٹ اخبارتازہ ترین - آن لائن۔ 28 اپریل2025ء)گورنر سندھ کامران ٹیسوری نے کہا ہے کہ آرمی چیف جنرل عاصم منیر کے ہوتے بھارت پاکستان پرمیلی نگاہ ڈالنے کی جرات نہیں کرسکتا۔استنبول میں پاکستانی کمیونٹی سے خطاب میں انہوںنے کہا کہ مودی نے اٴْس قوم کو للکارا ہے جس نے کلمے کے نام پر ملک حاصل کیا، یہ قوم اپنی افواج کے ساتھ کھڑی ہے، افواج پاکستان اکیلی نہیں اسکے ساتھ25 کڑور عوام بھی ہیں، بھارتی وزیراعظم نریندر مودی 1965 بھول گیا ہے۔

(جاری ہے)

آبی دہشتگردی کی توبھارت میں آگ کا دریا، خون کا سمندر بہادیں گے۔ ہم وہ قوم ہیں جو بھارت کے سامنے 1947 سے سینہ تان کر کھڑے ہیں۔ انہوں نے کہا کہ بھارت عالمی دہشت گرد ہے اور اسکا ثبوت کینیڈین حکومت اور امریکی ریاست کہہ چکی ہے کہ بھارتی دہشت گرد انکے ملکوں میں دہشت گردی میں ملوث ہیں۔ بھارت اس خطے کے امن کو خراب کررہا ہے۔ انہوں نے کہا کہ ہم بھارت کا طیارہ گر ا کر چائے پلانا بھی جانتے ہیں ۔ اس لئے بھارت کو ہماری حدود میں داخل ہونے یا میلی آنکھ سے دیکھنے سے قبل سو با ر سوچنا چاہیے۔