سی ٹی ڈی نے زیارت میں دہشت گردی کی کوشش ناکام بنا دی،7 دہشت گرد ہلاک

ہلاک دہشتگردوں کا تعلق کالعدم تنظیم بی ایل اے سے ہے، کارروائی خفیہ اطلاع پر کی گئی، ہلاک دہشت گردوں سے اسلحہ بھی برآمد ہوا ہے، ملزمان دہشتگردی کی مختلف وارداتوں میں ملوث تھے، حکام

فیصل علوی منگل 29 اپریل 2025 11:51

سی ٹی ڈی نے زیارت میں دہشت گردی کی کوشش ناکام بنا دی،7 دہشت گرد ہلاک

کوئٹہ(اردوپوائنٹ اخبار تازہ ترین۔29اپریل 2025)بلوچستان کے ضلع زیارت میں محکمہ انسداد دہشت گردی (سی ٹی ڈی) اور سیکورٹی فورسز کے ساتھ فائرنگ کے تبادلے میں 7 دہشت گرد ہلاک ہوگئے،ہلاک دہشتگردوں کا تعلق کالعدم تنظیم بی ایل اے سے ہے،سی ٹی ڈی ذرائع کے مطابق فورسز نے زیارت کے علاقے سنجاوی میں ایک اور بڑی تباہی کا منصوبہ ناکام بناتے ہوئے خفیہ اطلاع پر کارروائی کی اس دوران فائرنگ کے تبادلے میں 7 دہشت گرد ہلاک ہوگئے، حکام کا کہنا ہے کہ ہلاک دہشت گردوں سے گولہ بارود اور اسلحہ بھی برآمد ہوا ہے۔

سی ٹی ڈی ذرائع کے مطابق کارروائی خفیہ اطلاع پر کی گئی، ہلاک دہشت گردوں سے اسلحہ بھی برآمد ہوا ہے، ملزمان دہشتگردی کی مختلف وارداتوں میں ملوث تھے۔ذرائع کایہ بھی کہنا ہے کہ ان دہشتگردوں کے خلاف پہلے سے خفیہ اطلاعات موجود تھیں، جس پر کارروائی کی گئی۔

(جاری ہے)

سی ٹی ڈی حکام کے مطابق یہ کارروائی بلوچستان میں جاری دہشتگردی کے خلاف سیکیورٹی اداروں کے عزم اور عملی اقدامات کی ایک اور نمایاں مثال ہے۔

واضح رہے کہ گزشتہ روز بھی سیکورٹی فورسز کے پاک افغان بارڈ پر ز پرکامیاب فالو اپ آپریشنزمیں مزید17خوارجی ہلاک کر دئیے تھے۔ہلاک شدہ خوارج سے بھاری مقدار میں اسلحہ، گولہ بارود اور دھماکہ خیز مواد بھی برآمد کیا گیاتھا۔پاک فوج کے شعبہ تعلقات عامہ (آئی ایس پی آر) کا کہنا تھا کہ سیکورٹی فورسز نے 27 اور 28 اپریل کی درمیانی شب، حسن خیل اور اس کے گردونواح میں پاکستان اورافغانستان سرحد کے ساتھ ایک منظم آپریشن کیا گیاتھاجس کے دوران مزید17دہشت گردوں کو جہنم واصل کر دیاگیاتھا۔

ہلاک ہونے والے خوارجی اپنے غیر ملکی آقاوں کے اشارے پر مختلف دہشتگردانہ کارروائیوں میںسرگرم تھے جنہوں فورسزنے نہایت مہارت سے نشانہ بنا کر ان کاخاتمہ کر دیاتھا۔آئی ایس پی آر کے مطابق پاک افغان پر گزشتہ تین دن جاری رہنے والے انسداد دہشت گردی آپریشن میں مارے جانے والے خوارج کی مجموعی تعداد 71 ہو چکی تھی۔آئی ایس پی آر کا مزید یہ بھی کہنا تھا کہ سیکیورٹی فورسز دہشت گردی کی ہر کوشش کو ناکام بنانے کیلئے پرعزم تھے۔

سیکیورٹی فورسز ملکی امن وا ستحکام و ترقی کو سبوتاژ نہیں ہونے دیں گے۔سیکورٹی فورسز نے اس عزم کا اعادہ کیا تھا کہ وہ ملک کی سرحدوں کے تحفظ، امن، استحکام اور پاکستان کی ترقی کے دشمنوں کے ناپاک عزائم کو ناکام بنانے کیلئے پرعزم تھے اور ہر قیمت پر دشمن عناصر کا قلع قمع جاری رکھیں گے۔