Live Updates

دریائے سندھ کے پانی پر پیپلزپارٹی کے ڈاکے کے خلاف سب نے بھرپور کردار ادا کیا، عم ایوب خان

منگل 29 اپریل 2025 22:31

اسلام آباد (اُردو پوائنٹ اخبارتازہ ترین - آن لائن۔ 29 اپریل2025ء) قائد حزب اختلاف قومی اسمبلی میں قائد حزب اختلاف عمر ایوب خان نے کہاہے کہ دریائے سندھ کے پانی پر پیپلزپارٹی کے ڈاکے کے خلاف سب نے بھرپور کردار ادا کیا۔ آصف علی زداری، بلاول زرداری نے اسٹیبلشمنٹ سے ملی بھگت کر کے سندھ کا پانی بیچ دیا تھا۔ دریائے سندھ بچائو تحریک پر اپوزیشن جماعتیں، وکلاء برادری، حلیم عادل شیخ بھی خراج تحسین کے مستحق ہیں ۔

دریائے سندھ کے متنازعہ کینالوں کے حوالے سے اپنے بیان میں انہوں نے کہا دریائے سندھ پر متنازعہ کینالوں کے خلاف سندھ کی عوام کی جدوجہد سلام پیش کرتا ہوں۔ دریائے سندھ بچائو تحریک پر اپوزیشن جماعتیں، وکلاء برادری، حلیم عادل شیخ بھی خراج تحسین کے مستحق ہیں ۔

(جاری ہے)

انہوں نے کہا دریائے سندھ کے پانی پر پیپلزپارٹی کے ڈاکے کے خلاف سب نے بھرپور کردار ادا کیا۔

چھ ماہ قبل ہم نے پارلیمنٹ میں آواز اٹھائی تھی کہ سندھ کے پانی پر ڈاکا ڈالا گیا ہے۔ آصف علی زداری، بلاول زرداری نے اسٹیبلشمنٹ سے ملی بھگت کر کے سندھ کا پانی بیچ دیا تھا۔ الیکشن سے کچھ گھنٹے قبل ایکنک کی میٹنگ میں سندھ کے پانی پر ڈاکے کی اجازت دی گئی ۔ انہوں نے کہا ایکنک کی میٹنگ میں اجازت دی گئی کہ سندھ کا پانی چوری کر کے چولستان کو دیا جائے گا۔

8 جولائی 2024 کو آصف علی زداری نے گرین پاکستان انیشیٹیو کے نام سے ایک میٹنگ کی صدارت کی۔ اس میٹنگ میں آصف علی زداری نے اجازت دی جس کے دستاویز ہم نے پیش کئے ہیں۔ انہوں نے کہا ہم سندھ کے پانی کے دفاع کے لئے سیسہ پلائی دیوار کی طرح کھڑے رہیہیں ۔ سندھ کے پانی کی دفاع کے لئے اپوزیشن جماعتوں، وکلاء نے بھرپور دفاع کیا۔انہوں نے کہا کہ سی سی آئی کے اجلاس میں کینا ل بنانے کا فیصلہ ابھی موخر تو ہوا ہے۔ خدشہ ہے بجٹ کے بعد پیپلزپارٹی ایک بار پھر سندھ کے پانی پر ڈاکہ ڈلوائے گی۔انہوں نے کہا پیپلزپارٹی نے سندھ کے عوام کے سینے میں خنجر گھونپا تھا۔