Live Updates

پی سی بی انٹرڈسٹرکٹ انڈر 19: گوادر کی پنجگور کو 3 رنز سے شکست

منگل 29 اپریل 2025 23:18

کوئٹہ (اُردو پوائنٹ اخبارتازہ ترین - آن لائن۔ 29 اپریل2025ء) پی سی بی انٹر ڈسٹرکٹ انڈر 19ون ڈے ٹورنامنٹ کے ایک میچ میں گوادر نے سنسنی خیز مقابلے کے بعد پنجگور کو 3 رنز سے شکست دی۔ گوادر کرکٹ اکیڈمی سے تعلق رکھنے والے لیفٹ آرم فاسٹ بولر جلیل جے آر نے تباہ کن بالنگ کرتے ہوئے 7 کھلاڑی آٹ کرکے فتح میں اہم کردار ادا کیا۔تفصیلات کے مطابق پاکستان کرکٹ بورڈ کے زیر اہتمام ملک بھر میں کھیلے جانے والے پی سی بی انٹر ڈسٹرکٹ انڈر 19 کرکٹ ٹورنامنٹ کے سلسلے میںگوادر انڈر 19 اور پنجگور انڈر 19 کرکٹ ٹیموں کے مابین کوئٹہ کے بگٹی کرکٹ اسٹیڈیم میں کھیلے جانے والے میچ میں فاسٹ بولر جلیل جے سر کی تباہ کن بالنگ کی بدولت گوادر کرکٹ ٹیم نے پنجگور کو 3 رنز سے شکست دی۔

گوادر کی ٹیم نے پہلے بیٹنگ کرتے ہوئے 111 رنز بنائے ۔

(جاری ہے)

یحیی نذیر 31رنز،غفور 22 رنز،محمد سعد 18 رنز اور اشرف 10رنز بنا کر نمایاں کھلاڑی رہے۔گوادر کرکٹ اکیڈمی سے تعلق رکھنے والے لیفٹ ہینڈ فاسٹ بولر جلیل جے آر کی اسپیڈاور سوئنگ سے بھرپور بالنگ کی بدولت ہدف کے تعاقب میں پنجگور کی پوری ٹیم 108 رنز پر آٹ ہو گئی ۔فاتح ٹیم کے فاسٹ بالر جلیل جے آر نے 7 کھلاڑیوں کو پوئلین کی راہ دکھاکر شکست کے منہ سے فتح چھین کر گوادر کی جھولی میں ڈال دی۔

میچ کے بہترین کھلاڑی کا اعزاز حاصل کرنے والے لیفٹ ہینڈ فاسٹ بولر جلیل جے آر نے کہا کہ سوئنگ کے سلطان وسیم اکرم میرے آئیڈیل فاسٹ بالر ہیں ان کی بالنگ کی ویڈیو دیکھ کر سوئنگ بالنگ کا فن سیکھا،میں آئندہ میچز میں بھی اپنی کارکردگی کے تسلسل کو برقرار رکھوں گا ،اور اپنی عمدہ کارکردگی کے ذریعے گوادر کی ٹیم کو پی سی بی انٹر ڈسٹرکٹ انڈر 19ون ڈے ٹورنامنٹ کا چمپئن بنوانے کا خواہشمند ہوں۔

گوار کرکٹ ایسوسی ایشن کے صدر میر ثنا اللہ، گوادر کرکٹ اکیڈمی کے چیئرمین عبدالحمید رشید،گوار کرکٹ ایسوسی ایشن کے سابق صدر اور گوادر کرکٹ اکیڈمی کے بانی صدر حاجی حنیف حسین،ریاض اسحاق اور عبداللہ نے نوجوان فاسٹ بالر جلیل جے آر کو پنجگور کے خلاف 7 وکٹیں حاصل کرکے ریکارڈ بنانے پر مبارک باد پیش کرتے ہوئے امید ظاہر کی ہے کہ نوجوان فاسٹ بالر مستقبل میںگوادر کرکٹ کی پہچان ثابت ہوں گئے۔