Live Updates

بوکھلاہٹ کا شکار بھارتی فوج نے کنٹرول لائن پر سول آبادی پر گولہ باری شروع کر دی، ہجیرہ، فارورڈ کہوٹہ اور کھوئی رٹہ میں 5شہری شہید ، 7 زخمی

جمعہ 9 مئی 2025 13:47

راولپنڈی (اُردو پوائنٹ اخبارتازہ ترین - اے پی پی۔ 09 مئی2025ء) بھارتی فوج نے بوکھلاہٹ کا شکار ہو کرآزاد کشمیر میں کنٹرول لائن پر سول آبادی پر گولہ باری شروع کر دی،بھارت کی جانب سےہجیرہ، فارورڈ کہوٹہ اور کھوئی رٹہ میں سول آبادی پر بلااشتعال فائرنگ سے 5شہری شہید جبکہ 7 زخمی ہو گئے۔

(جاری ہے)

سکیورٹی ذرائع کے مطابق بزدل بھارتی فوج لائن آف کنٹرول پر شکست کھانے کے بعد شہری آبادی کو نشانہ بنا نے لگی۔

بوکھلاہٹ کی شکار بھارتی فوج نے ہجیرہ، فارورڈ کہوٹہ اور کھوئی رٹہ میں سول آبادی کو نشانہ بنایا۔بھارتی فوج کی بلااشتعال فائرنگ سے 5 شہری شہید جبکہ 7 زخمی ہو گئے۔بھارتی فوج شہری آبادی پر بھاری ہتھیاروں کا استعمال کر رہی ہے۔پاک فوج دشمن کی جارحیت کا منہ توڑ جواب دینے میں مصروف ہے۔ جوابی کارروائی میں بھارتی فوج کی توپیں خاموش ہو گئیں ۔\932