افواج پاکستان آپریشن بنیان مرصوص میں تاریخی کامیابی حاصل کی ہے،آرمی چیف عاصم منیر فاتح سپہ سالار ہیں،کامران ٹیسوری

کراچی(اُردو پوائنٹ اخبارتازہ ترین - این این آئی۔ 11 مئی2025ء)گورنر سندھ کامران خان ٹیسوری نے کہا ہے کہ افواج پاکستان آپریشن بنیان مرصوص میں تاریخی کامیابی حاصل کی ہے،پوری دنیا کے سامنے پاکستان، افواج پاکستان اور عوام سرخرو ہو گئی،عوام نے افواجِ پاکستان کے شانہ بشانہ کھڑے ہو کر ثابت کر دیا کہ پرحملے کا بھرپور جواب دیا جائے گا،آرمی چیف عاصم منیر فاتح سپہ سالار ہیں۔

وہ اتوارکو گورنر ہائوس میں پریس کانفرنس سے خطاب کررہے تھے۔کامران ٹیسوری نے کہا ہے کہ اللہ کا شکر ادا کرکے پوری قوم کو مبارکباد دیتا ہوں.افواج پاکستان آپریشن بنیان مرصوص میں تاریخی کامیابی حاصل کی ہے۔آپریشن بنیان مرصوص چند گھنٹوں میں ہی کامیاب ہو گیا ۔میڈیا کو مبارکباد پیش کرتا ہوں۔

(جاری ہے)

پاکستانی میڈیا نے سچ عوام کو بتایا۔اللہ نے دنیا کے سامنے ہمیں سرخرو کیا ہے۔

اللہ نے وہ عزت بخشی کہ پوری پاکستانی قوم اور سمندر پار پاکستانیوں کا سر فخر سے بلند کردیا ہے۔گورنر سندھ نے کہا کہ آرمی چیف حافظ عاصم منیر پاکستان کے ارتگل ہیں ۔انکی قائدانہ صلاحیتوں کے باعث سفارتی محاز پر کامیابی حاصل کی۔انھوں نے اندھیرے میں بزدلانہ کارروائی نہیں بلکہ دن کے اجالے میں فیصلہ کن حملے کیے جس سے دشمن کے دانت کھٹے ہوگئے ۔

پوری قوم تینوں مسلح افواج کے شانہ بشانہ کھڑی نظر آئی۔گورنر سندھ نے کہا کہ پوری قوم حالات جنگ میں ہونے کے باوجود بے فکر تھی۔اسکی بڑی وجہ عوام کا مکمل اعتماد افواج پر تھا۔ہم نے گورنر ہائوس میں پاک فوج کی کامیابی پر قرآن خوانی ہوئی ، پاکستان زندہ باد ریلی نکالی۔افواج پاکستان کے ساتھ اظہار یکجہتی کیا۔گورنر سندھ نے کہا کہجس رات بھارت کی جانب سے حملہ کیا گیا اسکے اگلے دن میں واہگہ بارڈر پر اپنے جوانوں کے ساتھ موجود تھا۔

میں مبارکباد دینا چاہتا ہوں اپنی تمام فورسسز کے جوانوں ، انکے سپہ سالاروں ، ڈی جی آئی ایس آئی ، ڈی جی سی اور تمام کور کمانڈرز کو۔ان کے حوصلے بہادری اور شجاعت کو سلام پیش کرتا ہوں۔گورنر سندھ نے کہا کہ ہماری افواج نے قوم کا سر فخر سے بلند کیا ہے۔بھارت نے جھوٹا الزام لگا کر حملے میں پہل کی۔انھوں نے معصوم آبادیوں کو نشانہ بنایا ۔لیکن پاکستانی افواج نے کسی معصوم شہری کو نشانہ نہیں بنایا۔بھارتی میڈیا جھوٹ کا پلندہ ہے۔ہماری مسلح افواج نے بتا دیا کہ پاکستان کا دفاع مضبوط ہاتھوں میں ہے۔عاصم منیر فاتح سپہ سالار ہیں۔