Live Updates

ظ*جعلی ویڈیوز، جھوٹے نقشی: بھارتی میڈیا نے سچ کا گلا گھونٹ دیا، نیویارک ٹائمز

اتوار 18 مئی 2025 18:20

?نیویارک(اُردو پوائنٹ اخبارتازہ ترین - آن لائن۔ 18 مئی2025ء)امریکی میڈیا نے بھارتی میڈیا کے جھوٹے پروپیگنڈے کو بے نقاب کرتے ہوئے کہا ہے کہ پاک بھارت کشیدگی کے دوران بھارتی میڈیا نے جان بوجھ کر جعلی خبریں پھیلائیں اور مصنوعی ذہانت کے ذریعے ویڈیوز میں رد و بدل کر کے عوام کو گمراہ کیا۔پاکستان کیخلاف گودی میڈیا کی جھوٹی میڈیا کیمپین پر بین الاقوامی ہزیمت کا سلسلہ جاری ہے ۔

معروف امریکی اخبار نیویارک ٹائمز نے ایک تفصیلی رپورٹ کے مطابق بھارتی میڈیا نے یہ دعوی کیا کہ بھارتی افواج نے پاکستان کی جوہری تنصیبات کو نشانہ بنایا، کراچی بندرگاہ کو تباہ کیا، اور پاکستانی فضائیہ کے دو جنگی طیارے مار گرائے۔ تاہم، نیویارک ٹائمز کے مطابق ان میں سے کسی بھی دعوے کی نہ تو کوئی آزاد تصدیق ہو سکی اور نہ ہی کوئی ثبوت پیش کیا گیا۔

(جاری ہے)

اخبار نے مزید انکشاف کیا کہ بھارتی ٹی وی چینلز جیسے "آج تک" اور "نیوز 18" نے بھی ان جھوٹے بیانیوں کو بڑھا چڑھا کر پیش کیا، جبکہ فیکٹ چیکنگ ویب سائٹ آلٹ نیوزنے ثابت کیا کہ کئی ویڈیوز، نقشے اور دعوے سراسر جھوٹ پر مبنی تھے۔نیویارک ٹائمز نے لکھا کہ بھارتی اینکرز اور مبصرین نے جنگی جذبات کو ہوا دینے میں خطرناک کردار ادا کیا اور ایک ایٹمی خطے میں غیر ضروری اشتعال پیدا کیا۔

رپورٹ میں کہا گیا کہ بھارتی میڈیا کی یہ روش نہ صرف پیشہ ورانہ صحافت کی خلاف ورزی ہے بلکہ علاقائی امن و سلامتی کے لیے خطرناک ہے۔دفاعی ماہرین نے خبردار کیا ہے کہ جھوٹی خبروں کا یہ سیلاب بھارت کی بین الاقوامی ساکھ کو ناقابل تلافی نقصان پہنچا رہا ہے اور اس سے نیوکلیئر اسکیلیشن جیسا سنگین خطرہ بھی پیدا ہو سکتا ہے۔سیاسی ماہرین کے مطابق، مودی حکومت کے اقتدار میں آنے کے بعد بھارت میں آزاد صحافت دبا کا شکار ہے، اور حکومت کی جانب سے غیر ملکی صحافتی اداروں پر بھی دبا بڑھتا جا رہا ہے، جس پر بین الاقوامی سطح پر تنقید میں اضافہ ہوگیا ہے۔