Live Updates

راولپنڈی سے پی ایس ایل دوبارہ شروع کرکے ثابت کیا کہ ہم بزدل نہیں : شعیب اختر

بھارت نے 8 مئی کو راولپنڈی کرکٹ سٹیڈیم کو ڈرون سے نشانہ بنانے کی کوشش کی تھی

ذیشان مہتاب پیر 19 مئی 2025 15:18

راولپنڈی سے پی ایس ایل دوبارہ شروع کرکے ثابت کیا کہ ہم بزدل نہیں : شعیب ..

راولپنڈی (اردو پوائنٹ تازہ ترین اخبار ۔ 19 مئی 2025ء ) سابق پاکستانی فاسٹ بولر شعیب اختر نے حالیہ بیان میں کہا ہے کہ بھارت کی جانب سے راولپنڈی کرکٹ اسٹیڈیم پر حملے کے بعد پاکستان سپر لیگ (پی ایس ایل) 10 کے میچز وہیں سے دوبارہ شروع کرنا ایک مضبوط پیغام تھا کہ "ہم بزدل نہیں ہیں"۔

یاد رہے کہ 8 مئی 2025ء کو راولپنڈی کرکٹ اسٹیڈیم کے قریب ایک مبینہ بھارتی ڈرون حملے کے بعد پی ایس ایل کے میچز ملتوی کر دیے گئے تھے۔

(جاری ہے)

ابتدائی طور پر لیگ کو متحدہ عرب امارات منتقل کرنے پر غور کیا گیا، لیکن بعد میں پاکستان کرکٹ بورڈ (پی سی بی) نے وزیراعظم شہباز شریف کی ہدایت پر لیگ کو مؤخر کر دیا۔

10 مئی کو بھارت اور پاکستان کے درمیان جنگ بندی کے بعد، پی سی بی نے اعلان کیا کہ پی ایس ایل 17 مئی سے دوبارہ شروع ہوگی، جس کے گروپ اسٹیج کے بقیہ 4 میچز راولپنڈی میں اور پلے آف و فائنل لاہور میں ہوں گے۔

49 سالہ شعیب اختر کے بیان کو سوشل میڈیا پر وسیع پیمانے پر سراہا جا رہا ہے، جسے قومی عزم اور حوصلے کی علامت قرار دیا جا رہا ہے۔