Live Updates

پی ٹی اے نے ریاست مخالف یوٹیوبرز کی فہرستیں مرتب کرلیں‘ کارروائی کیلئے نام حکومت کو پیش

پیر 19 مئی 2025 22:08

اسلام آباد(اُردو پوائنٹ اخبارتازہ ترین - آن لائن۔ 19 مئی2025ء)پاکستان ٹیلی کمیونیکیشن اتھارٹی (پی ٹی ای)نے ریاست مخالف یوٹیوبرز کی فہرستیں مرتب کرلیںاور کارروائی کے لیے نام حکومت کو پیش کرتے ہوئے عمران ریاض، صابر شاکر، صدیق جان اور شہباز گل سمیت دیگر یوٹیوبرز کے چینلز کی بندش کیلئے حکومت سے اجازت طلب کرلی۔حالیہ بھارتی جارحیت کے دوران ریاست اور فوجی قیادت کے خلاف نفرت انگیز مہم کے حوالے سے بڑے ریاست مخالف پاکستانی یوٹیوبرز پی ٹی اے کے ریڈار پر آگئے ہیں۔

ذرائع کے مطابق پی ٹی اے نے ریاست مخالف یوٹیوبرز کی فہرستیں مرتب کرلیں، کارروائی کے لیے نام حکومت کو پیش کردیئے ہیں۔پی ٹی اے نے کئی پاکستانی یوٹیوبرز کے یوٹیوب چینل فوری بند کرنے کے لیے حکومت سے اجازت طلب کرلی۔

(جاری ہے)

ذرائع کے مطابق پی ٹی اے عمران ریاض، صابر شاکر، صدیق جان اور شہباز گل سمیت دیگر یوٹیوبرز کے چینلز کی بندش کیلئے حکومت کی اجازت کی منتظرہے۔

ذرائع کے مطابق پی ٹی اے کو تاحال حکومت سے کارروائی کی منظوری نہیں ملی،پی ٹی اے نے پاک فوج کے خلاف پروپیگندہ میں ملوث یوٹیوب چینلز کی فہرست یوٹیوب انتظامیہ کو بھی بھجوا دی ہے،پی ٹی اے نے اس سے پہلے احمد نورانی اور وقار ملک کے یوٹیوب چینلز کو بھی پاکستان میں بلاک کروایا تھا۔ سرکاری ذرائع نے بھی عمران ریاض، صابر شاکر، صدیق جان اور شہباز گل کے یو ٹیوب چینل بند کروانے کی سفارش کی تصدیق کی ہے ۔

عمران ریاض، صابر شاکر، صدیق جان اور شہباز گل کے یوٹیوب چینلز کے حوالے سے کارروائی زیرغورہے۔ حکومتی ہدایات کی روشنی میں ان یوٹیوبرز سے متعلق اقدام اٹھایا جائے گا۔ذرائع پی ٹی اے کے مطابق پاکستانی یوٹیوبرز کے اکاؤنٹس بلاک کرنے کے لئے یوٹیوب انتظامیہ کو بھیجی گئی فہرست رازداری کے اصولوں کے تحت شیئر نہیں کی جا سکتی۔پی ٹی اے کی درخواست پر یوٹیوب نے اب تک 68 بھارتی چینلز پاکستان میں بلاک کیے ہیں۔ذرائع پی ٹی اے کے مطابق اب تک پاکستان کی سلامتی اور دفاع کے خلاف مواد پھیلانے والے 3,248 یوٹیوب چینل بلاک کیے ہیں۔پی ٹی اے نے مجموعی طور پر ایک لاکھ 19ہزار 496 یو آر ایل بلاک کیے ہیں۔