Live Updates

مسئلہ کشمیر کے اصل اور اہم فریق کشمیری عوام ہی ہیں،صدر ریاست

امریکی صدرکی طرف سے مسئلہ کشمیر پر پاکستان اور بھارت کے درمیان ثالثی کی پیشکش پر ہم اُن کاخیرمقدم کرتے ہیں،بیرسٹر سلطان محمود چوہدری

منگل 20 مئی 2025 17:16

اسلام آباد (اُردو پوائنٹ اخبارتازہ ترین - این این آئی۔ 20 مئی2025ء) صدر آزاد جموں وکشمیر بیرسٹر سلطان محمود چوہدری سے صدر پاکستان مسلم لیگ (ن) آزادکشمیر شاہ غلام قادرکی ایوان صدر کشمیر ہائوس اسلام آباد میں تفصیلی ملاقات۔ اس موقع پر صدر آزاد جموں وکشمیر بیرسٹر سلطان محمود چوہدری نے کہا کہ موجودہ پاک بھارت کشیدگی کے دوران ہماری پاک فوج نے بھارتی جنگی جارحیت کا منہ توڑ جواب دیتے ہوئے بھارت کے غرور کو خاک میں ملایا ہے۔

بھارت نے بوکھلاہٹ کا شکار ہو کر لائن آف کنٹرول کے اس پار اندھا دھند فائرنگ کر کے معصوم شہریوں کو شہید کیا ہے بھارت کی طرف سے اس بزدلانہ حرکت کی ہم بھرپور مذمت کرتے ہیں۔ صدر آزادجموں وکشمیر بیرسٹر سلطان محمود چوہدری نے کہا کہ امریکی صدر ڈونلڈ ٹرمپ کی طرف سے مسئلہ کشمیر پر پاکستان اور بھارت کے درمیان ثالثی کی پیشکش پر ہم اُن کاخیرمقدم کرتے ہیں ۔

(جاری ہے)

مسئلہ کشمیر کا حل سہ فریقی ہونا چاہیے جس میں کشمیری عوام کو بھی مذاکرات کی میز پر بٹھانا چاہیے کیونکہ مسئلہ کشمیر کے اصل اور اہم فریق کشمیری عوام ہی ہیں اور مسئلہ کشمیر کا حل اقوام متحدہ کی قراردادوں کے مطابق حل کرتے ہوئے کشمیری عوام کو اُن کا بنیادی حق خودارادیت دیا جائے۔ اس موقع پر صدر آزادجموں وکشمیر بیرسٹر سلطان محمود چوہدری اور صدر پاکستان مسلم لیگ (ن) آزادکشمیر شاہ غلام قادر نے آزادکشمیر کی تازہ ترین سیاسی صورتحال پر بھی بات چیت کی۔ اس موقع پر صدر آزادجموں وکشمیر بیرسٹر سلطان محمود چوہدری اور صدر پاکستان مسلم لیگ (ن) آزادکشمیر شاہ غلام قادر کے درمیان باہمی دلچسپی سمیت دیگر امور پر بھی تبادلہ خیال کیا گیا۔