Live Updates

گورنرگلگت بلتستان سید مہدی شاہ کی چیف آف آرمی سٹاف جنرل سید عاصم منیر کو فیلڈ مارشل بننے پر مبارکباد

بدھ 21 مئی 2025 17:36

استور (اُردو پوائنٹ اخبارتازہ ترین - اے پی پی۔ 21 مئی2025ء) گورنر گلگت بلتستان سید مہدی شاہ نے چیف آف آرمی سٹاف جنرل سید عاصم منیر کو فیلڈ مارشل کے اعلیٰ عسکری عہدہ پر ترقی ملنے پر دلی مبارکباد پیش کرتے ہوئے کہا کہ یہ فیصلہ پاکستان کی عسکری تاریخ میں ایک روشن باب کا اضافہ ہے جو نہ صرف جنرل عاصم منیر کی بے مثال قیادت کا اعتراف ہے بلکہ قوم کے اعتماد کا بھی مظہر ہے۔

(جاری ہے)

سید مہدی شاہ نے کہا کہ جنرل سید عاصم منیر نے آپریشن ’’بنیان مرصوص‘‘ میں جس جرأت ، حکمت اور دور اندیشی کا مظاہرہ کیا اس پر مبارکباد پیش کرتا ہوں۔ اُن کی قیادت میں دشمن کے ناپاک عزائم خاک میں ملائے گئے اور اندرونی و بیرونی خطرات کا مردانہ وار مقابلہ کیا گیا۔جنرل سید عاصم منیر کی قیادت میں خوراج سمیت ملک دشمن عناصر کی سرکوبی کیلئے کیے جانے والے آپریشنز مثالی ہیں، معرکہ حق میں ہندوستان کا غرور خاک میں ملانے والی عسکری قیادت قوم کا سرمایہ افتخار ہے ،جن کی سربراہی میں پاکستان ان شاء اللہ ہر میدان میں سرخرو رہے گا۔\378