Live Updates

پاکستان افغانستان تعلقات کی بہتری کیلئے کردار ادا کر رہا ہوں،محمود خان اچکزئی

افغانستان ہمسایہ ملک ہے، خطے کیلئے ضروری ہے اختلافات کو بھلا کر مل کر چلیں، اپوزیشن اتحاد کے سربراہ کی گفتگو

جمعرات 22 مئی 2025 18:16

پاکستان افغانستان تعلقات کی بہتری کیلئے کردار ادا کر رہا ہوں،محمود ..

اسلام آباد (اُردو پوائنٹ اخبارتازہ ترین - این این آئی۔ 22 مئی2025ء)اپوزیشن اتحاد کے سربراہ محمود خان اچکزئی نے کہا ہے کہ پاکستان افغانستان تعلقات کی بہتری کیلیے کردار ادا کر رہا ہوں، نواز شریف افغانوں کے مسئلے پر اپنا کردار ادا کریں۔پارلیمنٹ ہاؤس کے باہر میڈیا سے گفتگو کرتے ہوئے انہوں نے کہا کہ دنیا کی بعض طاقتیں چاہتی ہیں کہ خطے میں جنگ ہو۔

(جاری ہے)

انہوںنے کہاکہ چین، پاکستان اور افغانستان کے وزرائے خارجہ مل کر بیٹھے ہیں۔محمود خان اچکزئی نے کہا کہ صادق خان کے افغانستان کے ساتھ اچھے تعلقات ہیں، ان کا فائدہ اٹھائیں، افغانستان ہمسایہ ملک ہے، خطے کیلئے ضروری ہے اختلافات کو بھلا کر مل کر چلیں۔انہوں نے کہا کہ خطے کے ممالک خطے کو جنگ سے بچائیں، پاکستان جمہوری ملک ہے، بانی پی ٹی آئی کو جیل میں رکھنا زیادتی ہے، بانی پی ٹی آئی باعزت طریقے سے جیل سے رہا ہوں۔انہوںنے کہا کہ سیاسی جماعتوں میں باہمی احترام وقت کی ضرورت ہے۔