بلاول بھٹو کی سربراہی میں پاکستان کا موقف پیش کرنے جانیوالے وفد کی اسحاق ڈار سے ملاقات

جمعہ 23 مئی 2025 22:55

اسلام آباد(اُردو پوائنٹ اخبارتازہ ترین - این این آئی۔ 23 مئی2025ء)وزیر خارجہ اسحاق ڈار سے چیئرمین پیپلز پارٹی بلاول بھٹو کی سربراہی میں وفد کے ارکان نے ملاقات کی ۔اس اعلیٰ سطح کے وفد کو پاکستان کا موقف عالمی دارالحکومتوں میں پیش کرنے کی ذمے داری سونپی گئی ہے۔

(جاری ہے)

ترجمان دفتر خارجہ کے مطابق نائب وزیر اعظم و وزیر خارجہ اسحاق ڈار نے وفد کو پاکستان کی سفارتی ترجیحات سے آگاہ کیا۔انہوں نے وفد کو بتایا کہ پاکستان کا پیغام امن اور تعمیری شراکت داری کا ہے۔دفتر خارجہ کے ترجمان نے بتایاکہ اسحاق ڈار نے وفد کو موثر انداز میں قومی موقف اجاگر کرنے کی ہدایت دی۔