Live Updates

م*ایف آئی اے نے دو سرکاری ملازمتیں کرنے والی خاتون افسر کے خلاف مقدمہ درج کر لیا

منگل 3 جون 2025 20:40

Kپشاور(اُردو پوائنٹ اخبارتازہ ترین - آن لائن۔ 03 جون2025ء) وفاقی تحقیقاتی ادارے ایف آئی اے کے انسدادِ بدعنوانی سرکل پشاور نے ایک سینئر خاتون سرکاری افسر کے خلاف دوہری ملازمت، مالی دھوکہ دہی، اعتماد شکنی اور غیرقانونی طور پر دو تنخواہیں وصول کرنے پر ایف آئی آر درج کر لی ہے۔ ایف آئی آر نمبر 22/2025، 3 جون 2025ئ کو درج کی گئی، جس میں ملزمہ مسما? حاجرا سرور دختر غلام سرور خان، ڈپٹی ڈائریکٹر کمشنریٹ برائے افغان مہاجرین (CAR) خیبر پختونخواہ کو نامزد کیا گیا ہے۔

تحقیقات کے مطابق، ملزمہ نے ایک ہی وقت میں دو مختلف سرکاری اداروں ظ CAR اور پاکستان کرکٹ بورڈ (PCB) ظ میں خدمات انجام دیں اور دونوں سے تنخواہیں بھی وصول کرتی رہیں، جو کہ سول سرونٹس (کنڈکٹ) رولز 1964ئ کی کھلی خلاف ورزی ہے۔

(جاری ہے)

ساتھ ہی وہ ایران کی ویمن کرکٹ ٹیم کی کوچ بھی رہیں۔ ایف آئی اے کو CAR سے موصولہ دستاویزات اور PCB کی ویب سائٹ پر موجود شواہد سے یہ ثابت ہوا کہ ملزمہ نے 2001ئ تا 2008ئ اور 2017ئ تا تاحال دونوں جگہوں سے مالی فوائد حاصل کیے۔

ذرائع کے مطابق، مقدمہ درج ہونے سے قبل ملزمہ یو کے فرار ہو چکی ہے، جس کے بعد ان کا نام IBMS (Integrated Border Management System) کی اسٹاپ لسٹ میں شامل کر دیا گیا ہے تاکہ وہ آئندہ پاکستان واپس آئیں تو فوری گرفتار کی جا سکے۔ مزید برآں، ایف آئی اے نے ان کی جائیداد اور بینک اکاؤنٹس منجمد کرنے کے لیے قانونی کارروائی شروع کر دی ہے۔ ذرائع کا یہ بھی کہنا ہے کہ ملزمہ کو بچانے کے لیے افغان کمشنریٹ کے ایک اعلیٰ افسر سمیت کئی بااثر شخصیات نے ایف آئی اے پر دباؤ ڈالنے کی کوشش کی، مگر ڈائریکٹر ایف آئی اے پشاور زون انعام اللہ گنڈاپور نے کسی قسم کے دباؤ کو خاطر میں نہ لاتے ہوئے قانون و انصاف کے تقاضوں پر عمل کرتے ہوئے میرٹ پر مقدمہ درج کرنے کی ہدایت دی۔

ان کے اس جرات مندانہ اقدام کو عوامی و سماجی حلقوں نے سراہتے ہوئے خراجِ تحسین پیش کیا ہے۔