رول آف لاء کیلئے بانی پی ٹی آئی کو جیل سے رہا کرنا پڑے گا،اعظم سواتی

جہاں ظلم کا نظام ہو وہاں انصاف کیلئے در در کی ٹھوکریں کھانی پڑتی ہیں، پی ٹی آئی رہنما

بدھ 4 جون 2025 13:27

راولپنڈی(اُردو پوائنٹ اخبارتازہ ترین - این این آئی۔ 04 جون2025ء)پی ٹی آئی رہنما اعظم سواتی نے کہا ہے کہ قومی یکجہتی کیلئے بانی پی ٹی آئی کا رہا ہونا ضروری ہے، رول آف لاء کیلئے بانی پی ٹی آئی کو جیل سے رہا کرنا پڑے گا۔

(جاری ہے)

اعظم خان سواتی نے انسداد دہشت گردی کی عدالت کے باہر میڈیا سے گفتگو کے دوران کہا کہ جہاں ظلم کا نظام ہو وہاں انصاف کیلئے در در کی ٹھوکریں کھانی پڑتی ہیں، پاکستان کو مضبوط بنانے کیلئے قانون کی حکمرانی کے بغیر کوئی راستہ نہیں۔

اس سے قبل انسداد دہشت گردی راولپنڈی کی عدالت میں پی ٹی آئی رہنماؤں اور کارکنان کے خلاف 26 نومبر کے احتجاج پر درج مقدمات کی سماعت ہوئی۔اپوزیشن لیڈر عمر ایوب، اعظم سواتی و دیگر ملزمان عدالت پیش ہوئے۔عدالت کی جانب سے عمر ایوب کے خلاف درج 2 مقدمات کی سماعت 14 جون جبکہ اعظم سواتی کے خلاف درج 1 مقدمے کی سماعت 13 جون تک ملتوی کر دی گئی۔