Live Updates

پی ٹی آئی سیاسی جماعت ،دروازے سب کے لیے کھلے ہیں،بیرسٹرگوہر

عمران خان کے کیس میں عید سے 2 دن قبل کسی مثبت پیشرفت کی امید ہے، اسلام آباد میں میڈیا سے گفتگو

جمعرات 5 جون 2025 22:16

پی ٹی آئی سیاسی جماعت ،دروازے سب کے لیے کھلے ہیں،بیرسٹرگوہر

اسلام آباد (اُردو پوائنٹ اخبارتازہ ترین - این این آئی۔ 05 جون2025ء) چیئرمین پی ٹی آئی بیرسٹر گوہر نے کہا ہے کہ پاکستان تحریک انصاف ایک سیاسی جماعت ہے ہمارے دروازے سب کے لیے کھلے ہیں،عمران خان کے کیس میں عید سے 2 دن قبل کسی مثبت پیشرفت کی امید ہے۔ اسلام آباد میں میڈیا سے گفتگو کرتے ہوئے بیرسٹر گوہرنے کہا کہ پیٹرن انچیف پی ٹی آئی کی سزائوں کے معطلی کے حوالے سے پہلی مرتبہ بار اسلام آباد ہائی کورٹ میں لگا ہے، پہلی مرتبہ پراسیکیوشن ٹیم کی جانب سے کوئی پیش ہوگا۔

(جاری ہے)

انہوں نے کہاکہ عید سے دو دن قبل امید ہے کہ کوئی مثبت پیشرفت ہوگی، 17جنوری کے بعد اب جون آگیا ہے، ابھی تک کیس کی سماعت نہیں ہوئی، روٹین میں یہ ایک مہینے کے اندر اندر فیصلہ ہوتا ہے۔بیرسٹر گوہر نے کہا کہ نواز شریف کا جو پہلے کیس ہوا تھا 70 دن کے بعد اس کی رہائی ہوئی تھی،اسی طرح دوسرے کیس میں 51 دن کے بعد ان کی رہائی ہوئی تھی، بانی پی ٹی آئی کے کیسر کو تین اگست کو دو سال پورے ہو جائیں گے، انصاف نہ صرف ہو بلکہ ہوتا ہوا نظر آنا چاہیے۔سابق گورنر سندھ محمد زبیر کی پی ٹی آئی میں شمولیت بارے سوال پر بیرسٹر گوہر نے کہا کہ پاکستان تحریک انصاف ایک سیاسی جماعت ہے ہمارے دروازے سب کے لیے کھلے ہیں۔