اسلام کی درست تعبیر و تشریح لمحہ موجود میں انتہائی سنجیدہ ،مشکل چیلنج و سوال بن چکا ہے،عبدالمتین اخونزادہ

ہفتہ 14 جون 2025 21:25

کوئٹہ(اُردو پوائنٹ اخبارتازہ ترین - این این آئی۔ 14 جون2025ء)بلوچستان انٹرنیشنل تھینک ٹینک کے چیئرمین اویس جدون مفکر اسلام مولانا سید ابو الاعلیٰ مودودی رحمتہ اللہ علیہ کی خدمات کی یاد میں ایوارڈ کے اجراء کے لئے دفتر جماعت اسلامی الفلاح ہاؤس میں سابق امیر صوبہ عبدالمتین اخونزادہ سے تفصیلی ملاقات و تبادلہ خیال کیا اس موقع پر جماعت اسلامی ضلع کوئٹہ کے امیر عبدالنعیم رند اور تنظیم اساتذہ کے صوبائی صدر اے ڈی منگریو بھی موجود تھے ۔

اویس جدون نے اپنے تھینک ٹینک اور ایوارڈز کی تسلسل و پیش رفت سے آگاہ کیا اور معاشرتی و سماجی شعور کی بیداری اور جمہوری و ثقافتی ترقی کے لئے اجتماعی کوششوں پر زور دیا۔

(جاری ہے)

نائب امیر جماعت اسلامی بلوچستان عبدالمتین اخونزادہ نے کہا کہ اسلام کی درست تعبیر و تشریح لمحہ موجود میں انتہائی سنجیدہ اور مشکل چیلنج و سوال بن چکا ہے مولانا سید ابو الاعلیٰ مودودی رحمتہ اللہ علیہ نے قرآن و سنت کی درست تشریحات کے ذریعے نسلوں کو متاثر کیا ہے اور مسلم معاشروں میں رائج کمزوریوں کو ایڈریس کرتے ہوئے عمل و حرکت کی بنیادیں استوار کئے گئے ہیںملاقات میں تھنک ٹینک اور فرینڈز آف یونیورس سوسائٹی پاکستان کے زیر اہتمام منعقد کیے جانے ایوارڈز کے متعلق تفصیلی بات چیت کی گئی اس موقع پر اویس جدون نے بتایا کہ دنیا میں ہم یہ منفرد کام کر رہے ہیں کے ایسے ہیروز جنہوں نے اپنی ساری زندگی انسانیت کی خدمت کے لیے وقف کر دی ایسی شخصیات کو خراج تحسین پیش کرنے کے لیے ان کے نام سے ایوارڈز منسوب کرتے ہیں اور یہ ایوارڈز ایسے لوگوں اور اداروں کو دئیے جاتے ہیں جو اپنے شعبوں میں نمایاں خدمات سر انجام دے رہے ہیں اور ہم اس بات پہ فخر محسوس کرتے ہیں کہ آج ایک انتہائی معتبر شخصیت مولانا سید ابو الا علی مودودی صاحب کے نام سے ایوارڈ کے اجراء پہ مشاورت کر رہے ہیں اس ایوارڈ کے اجراء کے بعد اسکو عالمی سطح پر منعقد کرنے پہ بھی غور کیا جائے گا جیسا کے ہمارا،قائداعظم انٹرنیشنل ایوارڈ نیلسن منڈیلا ایوارڈ خمینی ایکسیلنس ایوارڈ اتا ترک ایوارڈ علامہ اقبال گولڈ میڈل باچا خان ایوارڈ خان شہید سول ایوارڈ میر غوث بخش بزنجو ایوارڈ شہید ذوالفقار علی بھٹو ایوارڈ مولانا محمد عمر ایوارڈ اور دیگر شامل ہیں یہ ایوارڈ ہر سال ملک کے مختلف شہروں میں منعقد کئے جاتے ہیں اور ایوارڈز ہماری انٹرنیشنل سول ایوارڈز سیریز کا حصہ ہیں جو دنیا میں سب سے بڑی غیر سرکاری سول ایوارڈ سیریز ہے۔