فیلڈ مارشل عاصم منیر کی امریکہ میں پذیرائی‘ بھارت کا گھبراہٹ پر مبنی رد عمل‘ ساکھ بچانے کی کوشش

بھارتی وزارت خارجہ کے بیان میں آپریشن سندورکے دوران ’نپی تلی‘ اور ’غیراشتعال انگیز‘ کارروائی کے دعوے

جمعرات 19 جون 2025 14:59

فیلڈ مارشل عاصم منیر کی امریکہ میں پذیرائی‘ بھارت کا گھبراہٹ پر مبنی ..

نئی دہلی (اُردو پوائنٹ اخبارتازہ ترین - این این آئی۔ 19 جون2025ء)فیلڈ مارشل عاصم منیر کی امریکہ میں موجودگی اور صدر ٹرمپ سے ملاقات پر بھارت سخت پریشانی کے عالم میں مبتلا ہوگیا۔بھارتی وزارت خارجہ کی جانب سے جاری کردہ حالیہ بیان دراصل عالمی سطح پر بھارتی ساکھ بچانے کی ناکام کوشش ثابت ہوئی ہے۔بھارتی وزارت خارجہ کے بیان میں آپریشن سندور کے دوران ’نپی تلی‘ اور ’غیر اشتعال انگیز‘ کارروائی کے دعوے کیے گئے۔

آپریشن سندور کی ناکامی نے بھارتی دعووں کو جھوٹ ثابت کیا، جس بات کی تصدیق عالمی برادری کی جانب سے بھی کی گئی ہے۔عالمی برادری اس حقیقت سے واقف ہے کہ بھارت نے جارحیت کا آغاز کیا، جبکہ پاکستان اقوامِ متحدہ کے چارٹر کے مطابق دفاعی کارروائی کی۔بھارت کی جانب سے پاکستانی افواج کو نقصان پہنچانے کے دعوے بھی حقائق کے منافی ہیں، عالمی ذرائع نے پاک فضائیہ کی برتری کو تسلیم کیا۔

(جاری ہے)

پاک فضائیہ نے بھارتی جنگی طیارے مار گرائے اور دنیا نے دیکھا کہ بھارت کو فضائی محاذ پر منہ کی کھانا پڑی۔مودی سرکار کی امن کی باتیں بھی محض دکھاوا ثابت ہوئیں، حقیقت میں بھارت ہمسایہ ممالک کے خلاف جارحانہ پالیسیوں کے لیے بدنام ہے۔بھارتی وزارتِ خارجہ کا حالیہ بیان پاکستان اور امریکہ کے بہتر تعلقات کو سبوتاڑ کرنے کی ناکام کوشش ہے۔مودی سرکار کی عالمی سطح پر اپنی ساکھ بچانے کی ہر تدبیر ناکامی سے دوچار ہے۔