Live Updates

عمران خان نے مجھے چار بار اپنی پارٹی میں آنے کی دعوت دی، جواد احمد کا دعویٰ

میں نہیں گیا تو انہوں نے میرے پیچھے لوگ لگا دیئے جو مجھے گالیاں دیتے ہیں؛ گلوکار کی گفتگو

ساجد علی ہفتہ 21 جون 2025 12:59

عمران خان نے مجھے چار بار اپنی پارٹی میں آنے کی دعوت دی، جواد احمد کا ..

لاہور ( اُردو پوائنٹ اخبارتازہ ترین۔ 21 جون 2025ء ) گلوکار جواد احمد نے دعویٰ کیا ہے کہ عمران خان نے مجھے چار بار اپنی پارٹی میں آنے کی دعوت دی۔ ایک انٹرویو کے دوران انہوں نے کہا کہ پاکستان تحریک انصاف کے پیٹرن انچیف اور سابق وزیراعظم عمران خان نے مجھے چار بار اپنی پارٹی پی ٹی آئی میں آنے کی دعوت دی لیکن میں ان کی جماعت مین نہیں گیا کیوں کہ مجھے عمران خان کی سیاست پسند ہی نہیں ہے، جس کے بعد انہوں نے میرے پیچھے لوگ لگا دیئے جو مجھے گالیاں دیتے ہیں۔

علاوہ ازیں اداکارہ اور ٹی وی شو ہوسٹ فضا علی کے دھوبی کہنے پر بھی گلوکار جواد احمد نے ردعمل دیا، اس سلسلے میں ان کا کہنا تھا کہ جب فضا علی مجھ سے پہلی بار ملی تھیں تو انہوں نے بتایا کہ وہ میری بہت بڑی مداح ہیں، میرے گانے سنتی ہیں، ان پر ڈانس کرتی ہیں اور انجوائے کرتی ہیں، ڈرامہ مہندی جس میں میرا گانا شامل تھا اس میں فضا علی نے بھی اداکاری کی تھی اور یہ ساری عمر میرا احسان نہیں اتار سکتیں کیوں کہ انہیں شہرت وہاں سے ملی تھی، فضا علی کو پہلے کوئی نہیں جانتا تھا ان کی پہچان ڈراما مہندی سے بنی اس لیے اداکارہ کو میرا احسان مند ہونا چاہیئے اور میں سمجھتا ہوں انہوں نے ایسا بیان دے کر بے وقوفی اور جہالت کی ہے۔

(جاری ہے)

یاد رہے کہ اداکارہ و میزبان فضا علی نے مختلف فنکاروں اور اینکرز پر سیاسی جھکاؤ کا الزام لگاتے ہوئے کئی دلچسپ تبصرے کیے تھے،ان کے اس شو میں گلوکار جواد احمد بھی شریک تھے، اس دوران فضا علی نے معروف گلوکار جواد احمد کو بھی تنقید کا نشانہ بنایا اور کہا کہ اگر جواد احمد گلوکار نہ ہوتے تو دھوبی ہوتے کیوں کہ یہ دوسروں کو خوب دھوتے ہیں۔