وزیراعظم سے مصدق ملک کی ملاقات ،پاکستان کی جانب سے بھیجے گئے سفارتی وفد کی ملاقاتوں کے حوالے سے بریفنگ دی

پیر 23 جون 2025 17:21

اسلام آباد(اُردو پوائنٹ اخبارتازہ ترین - این این آئی۔ 23 جون2025ء)وزیرِ اعظم محمد شہباز شریف سے وفاقی وزیرِ ماحولیاتی تبدیلی ڈاکٹر مصدق مسعود ملک نے ملاقات کی جس میں ڈاکٹر مصدق مسعود ملک نے وزیرِ اعظم کو پاکستان کی جانب سے بھیجے گئے سفارتی وفد کی ملاقاتوں کے حوالے سے بریفنگ دی۔

(جاری ہے)

وزیرِ اعظم نے وفد کی جانب سے حالیہ بھارتی بلاجواز عسکری و آبی جارحیت کو دنیا کے سامنے بے نقاب کرنے اور امریکہ و یورپ کے کامیاب سفارتی دورے پر بلاول بھٹو زرداری سمیت وفد کے دیگر ارکان کو خراج تحسین پیش کیا۔ملاقات میں وزارت ماحولیاتی تبدیلی کے تحت حکومت کے ماحولیاتی تبدیلی کے مضر اثرات سے بچاؤ کیلئے اٹھائے گئے اقدامات پر بھی گفتگو ہوئی۔