Live Updates

ہم نے ایران کو تباہ کردیا، ایران اب اپنے پاس موجود آلات کے ساتھ جوہری ہتھیار بنانے کے قابل نہیں ہے، جے ڈی وینس

یران نے مستقبل میں جوہری ہتھیاربناناچاہا تو اس سے امریکی فوج نمٹ لیگی، ہم نے ایران کے جوہری عزائم کو خاک میں ملادیاہے، امریکی نائب صدر کابیان

فیصل علوی منگل 24 جون 2025 12:10

ہم نے ایران کو تباہ کردیا، ایران اب اپنے پاس موجود آلات کے ساتھ جوہری ..

واشنگٹن(اردوپوائنٹ اخبار تازہ ترین۔24جون 2025)امریکی نائب صدر جے ڈی وینس نے کہا ہے کہ ہم نے ایران کو تباہ کردیا، ایران اب اپنے پاس موجود آلات کے ساتھ جوہری ہتھیار بنانے کے قابل نہیں ہے،ایران نے مستقبل میں جوہری ہتھیاربناناچاہا تو اس سے امریکی فوج نمٹ لیگی،اپنے ایک بیان میں امریکی نائب صدر جے ڈی وینس کا کہنا ہے کہ ایران میں امریکہ نے جن مقامات پر حملہ کیا تھا وہ مکمل طور پر تباہ ہوگئے ہیں جس کے باعث وہ اب جوہری ہتھیار بنانے کے قابل نہیں ہے۔

ہم نے ایران کے جوہری عزائم کو خاک میں ملادیاہے۔اگر ایران جنگ بندی پر آمادہ نہ ہوتا تو اس کا انجام بہت برا ہونا تھا۔ان کا یہ بھی کہنا تھا کہ اب ایران کیخلاف مزید کارروائیاں کرنے کی کوئی منصوبہ بندی نہیں کی گئی ہے۔

(جاری ہے)

یاد رہے کہ اس سے قبل امریکی صدر ڈونلڈ ٹرمپ کے اعلان کے بعد ایران اور اسرائیل کے درمیان جنگ بندی کا وقت شروع ہوگیا تھا۔

ایران نے اسرائیل پر میزائیل حملوں کے بعد جنگ بندی کے نفاذ کا اعلان کردیا تھا۔نیتن یاہو نے بھی جنگ بندی کی تجویز قبول کرلی تھی۔ ٹرمپ نے اپنے تازہ بیان میں کہا ہے کہ کوئی فریق بھی سیز فائر کیخلاف ورزی نہ کرے۔ ایران کے سرکاری ٹی وی نے جنگ بندی کے آغاز کی خبر نشر کر دی تھی جبکہ اسرائیلی وزیراعظم نے بھی طویل خاموشی کے بعد باقاعدہ جنگ بندی کا اعلان کر دیاتھا۔

امریکی صدر ڈونلڈ ٹرمپ نے دعویٰ کیا تھا کہ ایران اور اسرائیل کے درمیان مکمل اور حتمی جنگ بندی پر اتفاق ہو گیا تھا جس کے تحت آئندہ 6 گھنٹوں میں دونوں ممالک اپنی عسکری کارروائیاں روک دیں گے۔ایران کی جانب سے جنگ بندی کا آغاز کر دیا گیا تھا۔ جنگ بندی اعلان کے بعد ایران میں شہری جشن مناتے ہوئے سڑکوں پر نکل آئے اور خوشی کا اظہار کیاتھا۔

ٹرمپ نے یہ دھماکہ خیز اعلان اپنے سوشل میڈیا پلیٹ فارم ’ٹروتھ سوشل‘ پر کیاتھا جہاں انہوں نے لکھا تھا کہ مبارک ہو دنیا ایران اور اسرائیل نے جنگ بندی پر اتفاق کر لیا تھا۔ایرانی سپاہ پاسداران انقلاب کے سربراہ پاکپور کایہ بھی کہنا تھا کہ کامیابی اور فتح پر ملت ایران اور شہدا کے اہل خانہ کو مبارکباد پیش کرتا ہوں، ٹرمپ نے ایران کے خلاف دوبارہ جارحیت کی تو منہ توڑ جواب ملے گا۔