Live Updates

حکومت نے ہماری تجاویزمان لیں، بجٹ کو مکمل سپورٹ کررہے ہیں ، بلاول بھٹو کا اعلان

جمعرات 26 جون 2025 21:12

اسلام آباد(اُردو پوائنٹ اخبارتازہ ترین - آن لائن۔ 26 جون2025ء)قومی اسمبلی کے اجلاس میں فنانس بل کی شق وار منظوری کے دوران پاکستان پیپلز پارٹی کے چیئرمین بلاول بھٹو زرداری نے کہا ہے کہ حکومت نے ہماری تجاویز مان لیں اس لیے بجٹ کو سپورٹ کر رہے ہیں حکومت نے بی آئی ایس پی کے بجٹ میں اضافہ کیا‘ پی ٹی آئی نے ہر بجٹ میں بی آئی ایس پی کے بجٹ میں کمی کی تھی پیپلز پارٹی کے احتجاج کے بعد سولر پینلز ٹیکس میں کمی کی گئی ہے ایف بی آر کو گرفتاری کا اختیار ابتدائی مرحلے پر نہیں ہوگا ان وجوہات کے باعث بجٹ کو مکمل سپورٹ کر رہے ہیں۔

پیپلز پارٹی وزیراعظم اور وزیر خزانہ کی شکر گزار ہے۔ اجلاس میں پی ٹی آئی کے رہنما علی محمد خان نے کہا ہے کہ میں عوام کیلئے وہی چاہتا ہوں جو ن لیگ اپوزیشن سے چاہتی تھی آٹھ سو سی سی گاڑی پر ٹیکس کیوں لگایاکیا پیپلز پارٹی ضمیر کے مطابق بجٹ کے خلاف ووٹ دے گی پی ٹی آئی کے رکن اسمبلی شہرام خان ترکئی نے کہا کہ ایف بی آر کے گرفتاری کے اختیار پر کسی کو فخر نہیں ہونا چاہیے کسی جگہ پر کاروبار کی حوصلہ افزائی کی بات نہیں‘ہم بزنس مین کو کیوں گرفتار کرنا چاہتے ہیں۔

(جاری ہے)

شہریار آفریدی نے کہا کہ حکومت اور ایف بی آر کی وجہ سے کوئی اپنا سرمایہ سسٹم میں نہیں لانا چاہتا اپنے سرمایہ کار کو حوصلہ اور اعتماد دیں سرمایہ کار کو یقین دلائیں کہ وہ ملک کا سرمایہ کار ہیں۔