پہلگام فالس فلیگ کے بعد مودی سرکار کا ایک اور فالس فلیگ ڈرامہ بے نقاب

جمعہ 27 جون 2025 20:22

نئی دہلی (اُردو پوائنٹ اخبارتازہ ترین - آن لائن۔ 27 جون2025ء) پہلگام فالس فلیگ کے بعد مودی سرکار کا ایک اور فالس فلیگ ڈرامہ بے نقاب ہوگیا۔جنگی جنون میں مبتلا مودی سرکار اپنی عوام کو بیوقوف بناتے ہوئے فالس فلیگ آپریشن کی حکمت عملی جاری رکھے ہوئے ہے۔مودی کے جنگی جنون کو سوشل میڈیا کے ذریعے پھیلایا جا رہا ہے۔ 26 جون کو بھارتی ایکس اکاونٹ نے ادھم پور کے علاقے بسنت گڑھ میں دہشت گردوں اور سیکورٹی فورسز کے درمیان تصادم کی اطلاع دی۔

(جاری ہے)

، بھارتی ٹویٹ میں دعویٰ کیا گیا کہ پاکستان کے جیش محمد کے دہشت گرد ہندوستانی فوج کے 6 پیراکے اسپیشل فورسز کے گھیرے میں ہیں جبکہ حسب روایت بغیر کسی ثبوت کے ان دہشتگردوں کو پاکستان سے جوڑ دیا گیا۔ مودی سرکار خودساختہ بیانیے کو پھیلانے کے لئے فالس فلیگ کا سہارا لیتی ہے جبکہ یہ حربہ بری طرح ناکام ہو چکا ہے۔اس سے قبل بھی بھارت نے پہلگام فالس فلیگ آپریشن کے جھوٹ کا سہارا لیکر پاکستان کیخلاف کھلی جارحیت کا ارتکاب کیا۔مودی سرکار نے اگر دوبارہ جارحیت کی کوشش کی تو اسے منہ کی کھانا پڑے گی۔