عالمی بینک نے ہمشیہ معاشی مسائل سمیت دیگر چیلنجز سے نمٹنے کے لئے پاکستان کی مدد کی، احد چیمہ

جمعہ 27 جون 2025 21:13

واشنگٹن (اُردو پوائنٹ اخبارتازہ ترین - آن لائن۔ 27 جون2025ء)وفاقی وزیر اقتصادی امور احد چیمہ کی واشنگٹن ڈی سی میں عالمی بینک کی قیادت سے اہم ملاقاتیں ہوئی ہیں۔

(جاری ہے)

ترجمان اقتصادی امورکے مطابق ملاقات میں عالمی بینک کی منیجنگ ڈائریکٹر آپریشنز اور جنوبی ایشیا ریجن کے صدر مارٹن ریزر سمیت دیگر عالمی بینک کے دیگر اعلی حکام شریک تھے،وفاقی وزیر احد چیمہ نے کہا کہ عالمی بینک نے ہمشیہ معاشی مسائل سمیت دیگر چیلنجز سے نمٹنے کے لئے پاکستان کی مدد کی، ترجمان اقتصادی امورکے مطابق عالمی بینک اور پاکستان کی شراکت داری کو مزید مضبوط بنانے میں وفاقی وزیر نے اینا بیجرڈی اور مارٹن ریزر کے کردار کو سراہا،وفاقی وزیر احد چیمہ نے کہا کہ سی پی ایف پر عملدرآمد کے لئے عالمی بینک کے تعاون سے جامع حکمت عملی بنانے پر کام جاری ہے اور جلد اس کو مکمل کریں گے، ترجمان اقتصادی امورکے مطابق ملاقات میں 700 ملین ڈالر کے ریکوڈک پراجیکٹ اور 400 ملین ڈالر کی رسک پارٹیسیپیشن فیسیلٹی پر بھی تفصیلی گفتگو ہوئی، عالمی بینک کے ایگزیکٹو ڈائریکٹر عبدالحق بیدجاوئی کے ساتھ ایک الگ ملاقات میں احد چیمہ نے پاکستان کے حوالے سے ان کے کردار کی تعریف کی،عالمی بینک کی قیادت نے وفاقی وزیر احد چیمہ کے کردار کو سراہتے ہوئے کہا کہ کہ کنٹری پارٹنرشپ فریم ورک کے موثر نفاذ کے لئے تعاون جاری رکھیں گے۔