وزیراعظم شہباز شریف کیخلاف توہین عدالت کی متفرق درخواست پر سماعت غیر معینہ مدت تک ملتوی

منگل 1 جولائی 2025 16:57

لاہور (اُردو پوائنٹ اخبارتازہ ترین - این این آئی۔ 01 جولائی2025ء) لاہور ہائیکورٹ نے وزیراعظم شہباز شریف کی جانب سے ججز سے متعلق نامناسب الفاظ کے استعمال کرنے پر توہین عدالت کی متفرق درخواست پر سماعت غیر معینہ مدت تک ملتوی کردی ۔ ہائیکورٹ کے جسٹس محمد وحید خان نے اشباء کامران کی متفرق درخواست پر سماعت کی۔ تاہم درخواست گزار عدالت کے روبرو پیش نہ ہوئیں ۔

جس پر عدالت نے مزید کارروائی غیر معینہ مدت تک ملتوی کردی ۔

(جاری ہے)

درخواست میں وزیراعظم پاکستان میاں محمد شہباز شریف کو فریق بنایا گیا ہے اور موقف اپنایا گیا ہے کہ شہباز شریف نے 28مئی کو اپنی ایک تقریر میں عدلیہ کو کالی بھیڑیں قرار دیا، یہ بیان عدلیہ کی ایمانداری اور آزادی کو کمزور کرنے کے مترادف ہے، شہباز شریف کی جانب سے ایسے توہین آمیز کلمات توہین عدالت کے مترادف ہیں۔ معزز عدالت سے استدعا ہے کہ شہباز شریف کی جانب سے ایسے توہین آمیز کلمات کی بنا پر ان خلاف قانونی کارروائی شروع کی جائے۔