Gوفاقی وزیر برائے امور کشمیر، گلگت بلتستان اور سیفران انجینئر امیر مقام کی زیر صدارت ضم شدہ اضلاع (سابقہ فاٹا) میں جرگہ نظام کی بحالی، دیگرامور پر اعلیٰ سطحی اجلاس

قبائلی عمائدین اور قانونی ماہرین کو مشاورت میں شامل کیا جائے گا جرگہ سسٹم کو آئینی وعدالتی ڈھانچے سے ہم آہنگ کیا جائے گا ، انجینئر امیر مقام

منگل 1 جولائی 2025 22:35

/ اسلام آباد(اُردو پوائنٹ اخبارتازہ ترین - آن لائن۔ 01 جولائی2025ء)وفاقی وزیر برائے امور کشمیر، گلگت بلتستان اور سیفران انجینئر امیر مقام کی زیر صدارت ضم شدہ اضلاع (سابقہ فاٹا) میں جرگہ نظام کی بحالی اور دیگرامور پر اعلیٰ سطحی اجلاس،وزیراعظم کی قائم کردہ کمیٹی کا تعارفی اجلاس اسلام آباد میں منعقد ہوا جس میں قبائلی اضلاع میں مؤثر متبادل نظام انصاف کے فروغ پر غور کیا گیا ۔

انجینئر امیر مقام نے کہا کہ قبائلی عمائدین اور قانونی ماہرین کو مشاورت میں شامل کیا جائے گا جرگہ سسٹم کو آئینی وعدالتی ڈھانچے سے ہم آہنگ کیا جائے گا ۔ وفاقی وزیر نے کہا کہ ضم شدہ اضلاع کی ترقی اور امن و امان کے لیے بھی تجاوز پیش کیے جائیں گے قبائلی عوام کی ترقی کے لیے ان کی مشاورت سے تجاوز مرتب کی جائیں گی۔

(جاری ہے)

ذیلی کمیٹی تشکیل دینے پر اتفاق، آئندہ اجلاس پشاور میں ہوگا۔

اجلاس میں گفتگو کرتے ہوئے احسن اقبال نے کہا کہ پولیس پر انحصار کم، نچلی سطح پر انصاف کی فراہمی ضروری ہے خیبر پختونخوا حکومت اس عمل کی کلیدی شراکت دار ہے ہم مشترکہ طور پر آگے بڑھنے کے لیے پٴْرعزم ہیں۔ اس موقع پر گورنر خیبرپختونخوا نے وزیراعظم شہباز شریف اور امیر مقام کو خراج تحسین پیش کرتے ہوئے کہا کہ گورنر ل ضم شدہ اضلاع کے منتخب نمائندوں اور قبائلی عمائدین کو اس عمل میں شامل کیا جائے چیف سیکرٹری: قبائلی معاشرہ تاریخی طور پر جرگہ سسٹم پر قائم ہے۔

اجلاس میں گورنر خیبر پختونخوا فیصل کریم کنڈی، وفاقی وزیر برائے منصوبہ بندی احسن اقبال، وزیر مملکت برائے داخلہ طلال چوہدری، وزیراعلیٰ خیبر پختونخوا کے نمائندے اطلاعات کے مشیر بیرسٹر محمد علی سیف، سیکرٹری امور کشمیر ظفر حسن، چیف سیکرٹری خیبر پختونخوا شہاب علی شاہ، انسپکٹر جنرل پولیس خیبر پختونخواذوالفقار حمید، اور سابق چیف سیکرٹری شکیل درانی سمیت دیگر اعلیٰ حکام نے شرکت کی۔اجلاس میں اعلیٰ حکام، وزرائ ، مشیروں، سیکرٹریز اور پولیس سربراہ کی شرکت کی۔