Live Updates

پیٹرولیم منصوعات کی قیمتوں میں اضافے کو مسترد کرتے ہیں،علامہ سید باقر عباس زیدی

ْحکومت اپنا اضافی بوجھ عوام پر ڈال کر مشکلات میں اضافہ کر رہی ہے،صدرمجلس وحدت مسلمین سندھ

بدھ 2 جولائی 2025 19:10

کراچی(اُردو پوائنٹ اخبارتازہ ترین - این این آئی۔ 02 جولائی2025ء)مجلس وحدت مسلمین سندھ کے صدر علامہ سید باقر عباس زیدی نے کہا ہے کہ حکومت کراچی کی خستہ حالی پر رحم کرے۔رات و رات پیٹرول کی قیمتوں میں اضافہ کو مسترد کرتے ہیں۔حکومت پیٹرول قیمتوں میں کمی کے ساتھ ایشائے خوردونوش کی قیمتوں میں بھی کمی کرے۔ملک میں کوئی معاشی نظام و پالیسی نظر نہیں آتی عالمی منڈی میں تیل کی قیمتوں میں کمی ہورہی ہے اور ہماے ملک میں اضافہ نا اہل حکومت اپنا اضافی بوجھ عوام پر ڈال کر مذید عوامی مشکلات میں اضافہ کر رہی ہے۔

حکومتی مشینری بشمول عسکری قیادت غریب عوام کو ریلیف فراہم کرنے کے بجائے مذید پریشان کر کر رہے ہیں ملکی عوام فاقوں سے مر جائے گی تو آپ کس عوام کا دفاع کریں گے دفاعی بجٹ میں اضافے کو بھی واپس لیا جائے تاکہ اس کا بوجھ ملکی عوام سے ہٹ جائے۔

(جاری ہے)

انہوں نے کہا کہ مافیاز کے خلاف آپریشن کئے بغیر عوامی سہولیات نہیں دی جاسکتی۔پیڑول کی قیمتوں کے اضافے کے ساتھ پڑھنے والی ایشاء کی قیمتیں مذید بڑھ جاتی ہیں جبکہ اس میں کمی پر وہی قیمتیں برقرار رہتی ہیں،حکومت ملکی عوام کو مہنگائی کے بحران سے چھٹکارا دلائے بجلی،گیس،ایشائے ضروریہ کی قیمتوں میں بھی کمی کا اعلان کیا جائے۔

انہوں نے کہا کہ سندھ و شہری حکومت کراچی کی خستہ حالی پر رحم کریں،سارا ملبہ وفاقی بجٹ پر ڈال کر اپنی جان نہ چھڑائیں۔ شہر ی پانی، بجلی، گیس سمیت عدم تحفظ کا شکار ہیں۔آئے روز ہزاروں لوگ کسی نہ کسی جرم کا شکار ہو رہے ہیں شہری اپنے حقوق اور تحفظ سے محروم ہیں۔ ایسا لگتا ہے شہریوں کو منعظم منصوبہ بندی کر کے مجرم بنایا جا رہا ہے۔انہوں نے حکومت سے مطالبہ کیا کہ پیٹرول کی قیمتوں میں کمی اشیائے ضروریہ کی کمی بھی ایسی تناسب سے جائے۔ شہر میں موجود لینڈ،ٹراسپورٹ،پانی،کے الیکٹرک،گراں فروش و دیگر مافیاز کے خلاف کاروائی کی جائے۔