یوسف رضا گیلانی کا کارگل جنگ کے عظیم ہیرو، حوالدار لالک جان شہید کو 26ویں یومِ شہادت پر خراجِ عقیدت

قوم کو اپنے ایسے بہادر سپوتوں پر فخر ہے جنہوں نے مادرِ وطن کی حرمت پر جان نچھاور کرنے سے بھی دریغ نہ کیا، چیئر مین سینٹ

پیر 7 جولائی 2025 18:23

یوسف رضا گیلانی کا کارگل جنگ کے عظیم ہیرو، حوالدار لالک جان شہید کو ..

اسلام آباد (اُردو پوائنٹ اخبارتازہ ترین - این این آئی۔ 07 جولائی2025ء)چیئرمین سینیٹ سید یوسف رضا گیلانی نے کارگل جنگ کے عظیم ہیرو، حوالدار لالک جان شہید (نشانِ حیدر) کو ان کی 26ویں یومِ شہادت پر خراجِ عقیدت پیش کیا ہے۔اپنے بیان میں چیئرمین سینیٹ نے کہا کہ حوالدار لالک جان شہید نے دشمن کے ناپاک عزائم کو ناکام بنانے کے لیے جس جٴْرات، استقامت اور بہادری کا مظاہرہ کیا، وہ ہماری قومی تاریخ کا ایک روشن باب ہے۔

(جاری ہے)

حوالدار لالک جان شہید نے اپنی جان کا نذرانہ دے کر مادرِ وطن کے دفاع کو یقینی بنایا اور آنے والی نسلوں کے لیے شجاعت کا اعلیٰ ترین معیار قائم کیا۔ سید یوسف رضا گیلانی نے کہا کہ قوم کو اپنے ایسے بہادر سپوتوں پر فخر ہے جنہوں نے مادرِ وطن کی حرمت پر جان نچھاور کرنے سے بھی دریغ نہ کیا۔ انہوں نے کہا کہ لالک جان شہید کا نام تاریخِ پاکستان میں ہمیشہ سنہرے حروف سے لکھا جائے گا۔چیئرمین سینیٹ نے دعا کی کہ اللہ تعالیٰ حوالدار لالک جان شہید کے درجات بلند فرمائے اور ان کے اہلِ خانہ کو صبر وجمیل عطا کرے۔