سابق صدر پاکستان عارف علوی کے خلاف اندراج مقدمہ کی درخواست خارج

بدھ 9 جولائی 2025 17:55

لاہور (اُردو پوائنٹ اخبارتازہ ترین - این این آئی۔ 09 جولائی2025ء)سیشن کورٹ لاہور نے سابق صدر پاکستان عارف علوی کے خلاف مقدمہ درج کرنے کی درخواست خارج کردی۔سیشن کورٹ لاہور نے سابق صدر مملکت عارف علوی کے خلاف مقدمہ دائر کرنے کی درخواست پر محفوظ کردہ فیصلہ سناتے ہوئے درخواست خارج کردی۔عدالت نیاپنے فیصلے میں کہا کہ آج کل سوشل میڈیا سے متعلق حکومت نے نیشنل سائبر کرائم انوسٹی گیشن ایجنسی ( این سی سی آئی ای) کا ادارہ قائم کیا ہے۔

(جاری ہے)

عدالت نے کہا کہ درخواست گزار نیشنل سائبر کرائم انوسٹی گیشن ایجنسی سے رجوع کرسکتا ہے، عدالت مقدمہ درج کرنے کی درخواست خارج کرتی ہے۔خیال رہے کہ درخواست گزار شہزادہ عدنان نے وکیل محمد مدثر چوہدری کے ذریعے سیشن کورٹ لاہور میں عارف علوی کے خلاف درخواست دائر کی تھی۔درخواست گزار کا کہنا تھا کہ سابق صدر نے گستاخانہ الفاظ کا استعمال کیا، عارف علوی کے گستاخانہ الفاظ سے متعلق ویڈیو یوٹیوب پر موجود ہے۔درخواست گزار کے مطابق عارف علوی کے خلاف پولیس کو درخواست دی لیکن مقدمہ درج نہیں کیا گیا۔