منشیات فروش ملک و قوم کے دشمن ہیں، حافظ فاران سہیل

نئی نسل کو منشات کے زہر سے بچانے کیلئے جہاد کرنا وقت کا اہم تقاضہ ہے، میڈیا سے گفتگو

جمعرات 10 جولائی 2025 15:23

ننکانہ صاحب(اُردو پوائنٹ اخبارتازہ ترین - این این آئی۔ 10 جولائی2025ء)منشیات فروش ملک و قوم کے دشمن ہیں نئی نسل کو منشیات کے زہر سے بچانے کے لیے جہاد کرنا وقت کا اہم ترین تقاضہ ہے ان خیالات کا اظہار سینئر جرنلسٹ حافظ فاران سہیل نے میڈیا سے گفتگو کرتے ہوئے اپنے بیان میں کیا حافظ فاران سہیل کا کہنا تھا کہ پاکستان اور نوجوان نسل کو منشیات کی لعنت سے پاک کرنے کے لیے سماجی، مذہبی،علما اکرام،اساتذہ کرام، والدین سول سوسائٹی،محب وطن شہری اور حکومت کے قانون نافذ کرنے والے ادارے اپنی مشترکہ جدوجہد اور دستیاب وسائل منشیات سے پاک صالح معاشرے کے قیام کیلئے اپنا اپنا کردار ادا کریں انہوں نے کہا کہ منشیات دنیا کی سب سے بڑی لعنت ہے یہ کرہ ارض کو اپنی آہنی گرفت میں لے رکھا ہے جس کی وجہ سے آج انسانی زندگیوں کو جو خطرات لاحق ہیں وہ بدترین آفات عرضی و سماجی حتی کہ ایٹمی جنگوں کی ہلاکت سے بھی کہیں زیادہ ہیں منشیات کی روک تھام کیلئے ہم سب کو آگے آنا چاہئے۔