Live Updates

مظفرآباد سمیت بالائی علاقوں میں مسلسل بارشوں سے نظام زندگی متاثر

چترال کے بالائی علاقوں میں گلیشیرز پگھلنے سے ندی نالوں میں طغیانی آگئی

جمعرات 10 جولائی 2025 20:10

مظفر آباد (اُردو پوائنٹ اخبارتازہ ترین - این این آئی۔ 10 جولائی2025ء)آزاد کشمیر میں مظفرآباد سمیت بالائی علاقوں میں مسلسل بارشوں سے نظام زندگی متاثر ہوگیا،مسلسل بارشوں سے علاقے کو ملانے والی سڑک کا بڑا حصہ سیلابی ریلے میں بہہ گیا۔

(جاری ہے)

اس کے علاوہ چترال کے بالائی علاقوں میں گلیشیرز پگھلنے سے ندی نالوں میں طغیانی آگئی جبکہ 8مقام سمیت زیریں علاقوں میں گرج چمک کے ساتھ موسلا دھاربارش بھی ریکارڈ کی گئی۔

چلاس میں بارشوں کے بعد بجلی کی فراہمی معطل ہوگئی جبکہ کالاباغ اور چشمہ کے مقام پر دریائے سندھ میں نچلے درجے کا سیلاب رپورٹ ہوا ہے۔ سندھ میں لاڑکانہ، حیدرآباد اور جامشورو میں بھی بارش کے بعد سے بجلی کی فراہمی معطل ہوگئی۔دوسری جانب کراچی میں کہیں کہیں بوندا باندی اور بارش کا امکان ہے جب کہ پشاور سمیت خیبر پختونخوا میں 24گھنٹوں کے دوران بارش کی پیشگوئی کی گئی ہے۔