موسلا دھار بارش کے باعث ملک کے مختلف علاقوں میں مقامی و برساتی ندی نالوں میں طغیانی کا خدشہ ہے، محکمہ موسمیات

اسلام آباد (اُردو پوائنٹ اخبارتازہ ترین - اے پی پی۔ 10 جولائی2025ء) آئندہ چوبیس گھنٹوں کے دوران موسلا دھار/شدید موسلادھار بارش کے باعث جڑواں شہروں اسلام آباد/راولپنڈی، مری، گلیات، مانسہرہ، کوہستان، ایبٹ آباد، بونیر، چترال، دیر، سوات، شانگلہ، نوشہرہ، صوابی، مردان، ڈی جی خان، شمال مشرقی پنجاب، کشمیر، گلگت بلتستان اور بلوچستان میں (بارکھان، کوہلو، موسی خیل، ڈیرہ بگٹی، نصیر آباد، سبی، لورالائی، ژوب، قلات، خضدار، لسبیلہ، آواران اور پنجگور، تربت ) کے مقامی / برساتی ندی نالوں میں طغیانی کا خدشہ ہے۔

اس دوران شدید بارشوں کے باعث خیبر پختونخوا، مری، گلیات، کشمیر اور گلگت بلتستان میں لینڈ سلائیڈنگ کے باعث ٹریفک کی آمدورفت بھی متاثر ہونے کا خطرہ ہے جبکہ شدید بارشوں کے باعث اسلام آباد/راولپنڈی، گوجرانوالہ، لاہور، سیالکوٹ، سرگودھا، فیصل آباد، نوشہرہ اور پشاور کے نشیبی علا قے زیر آب آنے کا اندیشہ بھی ہے۔

(جاری ہے)

عوام الناس احتیاط کریں۔

محکمہ موسمیات کے مطابق آئندہ چوبیس گھنٹوں کے دوران اسلام آباد، کشمیر ، پنجاب، خیبر پختونخوا، شمال مشر قی /جنوبی بلوچستان اور گلگت بلتستان میں تیز ہوائوں اور گرج چمک کے ساتھ بارش کی توقع ہے۔ اس دوران شمال مشرقی/ جنوبی پنجاب اور شمالی بلوچستان میں چند مقامات پر تیز /موسلادھار بارش کا بھی امکان ہے۔ رپورٹ کے مطابق گذشتہ 24 گھنٹوں کے دوران اسلام آباد، پنجاب، سندھ، خیبر پختونخوا، کشمیر اور گلگت بلتستان میں گرج چمک کے ساتھ بارش جبکہ چند مقامات پر موسلادھار بارش بھی ہوئی۔

سب سے زیادہ بارش لاہور (سٹی 111، ایئرپورٹ 88)، گوجرانوالہ 76، قصور 75، چکوال 65، جہلم 62، حافظ آباد 59، نارووال 55، سیالکوٹ (ایئرپورٹ 52، سٹی 44)، گجرات 46، اٹک، فیصل آباد 42، شیخوپورہ 42 اور جوہرآباد، ٹوبہ ٹیک سنگھ 25، مری 23، سرگودھا 18، ڈیرہ غازی خان 16، منگلا 14، راولپنڈی (چکلالہ 23، کچہری 12، پیرودھائی 9)، جھنگ 11، اسلام آباد (بوکرا 9، گولڑہ 7، سٹی 4، سید پور 3، ایئرپورٹ ایک)، خانیوال 9، ساہیوال 7، لاڑکانہ 67، جیکب آباد 22، مٹھی ایک، سبی 24، بارکھان 4، مظفرآباد (ایئرپورٹ 22، سٹی 20)، راولاکوٹ، کوٹلی 12، گڑھی دوپٹہ ایک، پاراچنار 18، بالاکوٹ 15، چراٹ 13، پشاور (ایئرپورٹ 10، سٹی ایک) مالم جبہ 8، دیر (لوئر 4، اپر 3)، سیدو شریف 2، پٹن ایک اور بگروٹ میں 7 ملی میٹر بارش ریکارڈ کی گئی۔

جمعرات کو ریکارڈ کئے گئے زیادہ سے زیادہ درجہ حرارت کی رپورٹ کے مطابق دالبندین 45، چلاس، رحیم یار خان، روہڑی 41، سکھر اور موہنجو داڑو میں درجہ حرارت 40 ڈگری سینٹی گریڈ ریکارڈ کیا گیا۔