شیری رحمان کی بس کے 9 مسافروں کے اغوا اور قتل کی شدید الفاظ میں مذمت

جمعہ 11 جولائی 2025 20:46

اسلام آباد (اُردو پوائنٹ اخبارتازہ ترین - این این آئی۔ 11 جولائی2025ء)نائب صدر پیپلزپارٹی سینیٹر شیری رحمان نے کوئٹہ سے لاہور جانے والی بس کے 9 مسافروں کے اغوا اور قتل کی شدید الفاظ میں مذمت کرتے ہوئے کہا ہے کہ لورا لائی کے قریب دہشتگردوں کی جانب سے معصوم مسافروں پر فائرنگ افسوسناک اور ناقابل قبول ہے۔ اپنے بیان میں انہوںنے کہاکہ معصوم شہریوں کو نشانہ بنانا انسانیت کے خلاف سنگین جرم ہے۔

(جاری ہے)

انہوںنے کہا کہ بلوچستان میں خون کی ہولی کھیلنے والے درندے کسی رعایت کے مستحق نہیں، شہدا کے درجات کی بلندی کیلئے دعاگو ہوں،پوری قوم شہداء کے لواحقین کے ساتھ کھڑی ہے۔انہوںنے کہاکہ دہشتگردی کا ہر وار ہمارے عزم کو مزید مضبوط کرتا ہے، امن دشمن عناصر کی یہ کارروائیاں ہمارے حوصلے پست نہیں کر سکتیں۔ انہوںنے کہاکہ پاکستان کی سرزمین پر بہایا گیا ہر بے گناہ کا خون حساب لے جائے گا۔