جمعیت اہلحدیث پاکستان کی کور کمانڈر کانفرنس اعلامیہ کی بھرپور حمایت کا اعلان

بھارتی سپانسرڈ پراکسیز کے خلاف فوج کی طرف سے فیصلہ کن کاروائی کرنے کا اعلان عوام کے جذبات کا ترجمان ہے ،امیر سینیٹر ڈاکٹر حافظ عبدالکریم

ہفتہ 12 جولائی 2025 23:03

اسلام آباد (اُردو پوائنٹ اخبارتازہ ترین - آن لائن۔ 12 جولائی2025ء) مرکزی جمعیت اہلحدیث پاکستان کے امیر سینیٹر ڈاکٹر حافظ عبدالکریم نے کور کمانڈرز کانفرنس کے اعلامیہ کی بھرپورحمایت کا اعلان کرتے ہوئے کہا ہے کہ فیلڈ مارشل جنرل عاصم منیر نے اقوام عالم میں بھارت کے توسیع پسندانہ عزائم اور ہندوتوا انتہا پسندی کے خطرناک عزائم اور بڑھتے ہوئے رجحانات کو جس طرح بے نقاب کیا ہے اس سے اب عالمی برادری بھارت سے بدظن ہوتی جارہی ہے پہلگام واقعہ اور کامیاب آپریشن بنیان المرصوص کے بعد بھارت فتنہ الخوارج اور فتہ الہندوستان کی پراکسیزکے ذریعے اپنے مذموم ایجنڈہ کو آگے بڑھانے کی کوشش کررہا ہے جس میں وہ کبھی کامیاب نہیں ہوگا، کشمیر اور پاکستان کے شہدائ کی قربانیاں رائیگاں نہیں جائیں گی بھارتی سپانسرڈ پراکسیز کے خلاف فوج کی طرف سے فیصلہ کن کاروائی کرنے کا اعلان عوام کے جذبات کا ترجمان ہے دوسری طرف خطہ میں پائیدار قیام امن کیلئے ناگزیر بھی ہے، ان خیالات کااظہار انہوں نے مختلف وفود سے گفتگو کرتے ہوئے کیا ہے۔

(جاری ہے)

انہوں نے کہاکہ اب بھارت کااصل چہرہ اقوام عالم پر بے نقاب ہوچکاہے وقت نے ثابت کیا ہے کہ دہشت گردی کے واقعات میں پاکستان نہیں بھارت ملوث ہے جس کے ثبوت عالمی برادری کو بھی فراہم کئے جاچکے ہیں۔۔۔