ایم کیوایم پاکستان کی اراکان صوبائی اسمبلی کو وزیر ایکسائز سے ملاقات اور نمبر پلیٹس کے معاملے پر عوامی سہولیات فراہم کرنے کیلئے سفارشات پیش کرنے ہدایت

ہفتہ 12 جولائی 2025 20:40

کراچی(اُردو پوائنٹ اخبارتازہ ترین - این این آئی۔ 12 جولائی2025ء)متحدہ قومی موومنٹ پاکستان کی مرکزی کمیٹی نے حق پرست اراکین سندھ اسمبلی کو ہدایات جاری کی ہیں کہ کراچی میں موٹر سائیکل اور گاڑیوں کے نمبر پلیٹس کی فراہمی، ٹریفک پولیس کی سخت کارروائیوں اور محکمہ ایکسائز کی سست روی جیسے عوامی مسائل پر فوری صوبائی وزیر ایکسائز اور متعلقہ حکام سے ملاقات کریں، ایم کیو ایم مرکزی کمیٹی کے مطابق شہر قائد میں 33 لاکھ سے زیادہ موٹر سائیکلیں اور 23 لاکھ دیگر گاڑیاں رجسٹرڈ ہیں، جن کے مالکان کو آن لائن اپلائی کرنے کے باوجود نہ نمبر پلیٹس وقت پر موصول ہو رہی ہیں، نہ ہی متعلقہ محکمے کی جانب سے شکایتوں کا فوری ازالہ کیا جا رہا ہے، جبکہ شہری پہلے ہی رجسٹریشن کے وقت یہ فیس دے چکے، اب دوبارہ اس مد میں رقم لینا عوام کے ساتھ زیادتی ہے، اس پر ستم ظریفی یہ کہ شہریوں کو سڑکوں پر پولیس کی دھمکیاں اور گاڑیوں کی ضبطی کا سامنا ہے، مرکزی کمیٹی نے حق پرست اراکین سندھ اسمبلی کو ہدایات جاری کرتے ہوئے کہا کہ صوبائی وزیر ایکسائز سے ملاقات کر کے انہیں محکمہ کی جانب سے مرکزی شاہراہوں پر موبائل کیمپس قائم کرنے کا مطالبہ کریں تاکہ نمبر پلیٹس کی فوری فراہمی ممکن بنائی جا سکے، اسی طرح آن لائن اپلائی کرنے والوں کو نمبر پلیٹس بذریعہ کوریئر گھر تک پہنچائی جائیں تاکہ دفتر کے چکر اور ایجنٹ مافیا سے نجات ملے، اس کے علاوہ فیسوں پر نظرثانی کی جائے اور پرانی فیس ادا کرنے والوں کو رعایت دی جائے