ش*نیویارک ٹائمز نے غزہ میں جنگ طویل ہونے کا ذمے دار نیتن یاہو کو قرار دیدیا

اتوار 13 جولائی 2025 18:15

نیویارک(اُردو پوائنٹ اخبارتازہ ترین - آن لائن۔ 13 جولائی2025ء)امریکی جریدے نیویارک ٹائمز نے غزہ میں جنگ طویل ہونے کا ذمے دار اسرائیلی وزیر اعظم نیتن یاہو کو قرار دے دیا۔

(جاری ہے)

ایک مفصل رپورٹ میں نیویارک ٹائمز نے لکھا کہ یرغمالیوں کی رہائی کی پیش کش پر نیتن یاہو نے اپریل 2024ء میں جنگ بندی پر رضامندی ظاہر کی تھی، مگر مخلوط اسرائیلی حکومت کے سخت گیر وزیرخزانہ سموٹرچ کو بھنک پڑ گئی۔

نیویارک ٹائمز کے مطابق سموٹرچ نے کہا کہ جنگ بندی ہوئی تو وہ مخلوط حکومت چھوڑ دے گا، نیتن یاہو نے اپنی حکومت برقرار رکھنے کی خاطر جنگ بندی مسترد کر دی۔امریکی جریدے حالیہ رپورٹ میں بتایا ہے کہ جنگ بندی کے بعد نیتن یاہو کو الیکشن میں شکست ہو جاتی تو کرپشن کا وہ مقدمہ پھر سے کھل جاتا جس کا نیتن یاہو کو 2020ء سے سامنا ہے۔