Live Updates

90 دن کا پلان کہاں سے آیا؟ چیف آرگنائزر عالیہ حمزہ کا پی ٹی آئی قیادت سے سوال

عمران خان کی رہائی کے لیے کس لائحہ عمل کا کل یا آج اعلان ہوا ہے؟ تحریک کہاں سے اور کیسے چلے گی؟ پی ٹی آئی پنجاب کی چیف آرگنائزر کا بیان

ساجد علی اتوار 13 جولائی 2025 19:37

90 دن کا پلان کہاں سے آیا؟ چیف آرگنائزر عالیہ حمزہ کا پی ٹی آئی قیادت ..

لاہور ( اُردو پوائنٹ اخبارتازہ ترین۔ 13 جولائی 2025ء ) پاکستان تحریک انصاف پنجاب کی چیف آرگنائزر عالیہ حمزہ نے لاہور میں منعقدہ مشاورتی اجلاس میں نظرانداز کیے جانے پر سوالات اٹھا دیئے۔ اس حوالے سے پی ٹی آئی پنجاب کی چیف آرگنائزر عالیہ حمزہ نے اپنے ایک بیان میں کہا کہ ویسے تو مجھ تک پہنچنے والی کچھ اطلاعات کے مطابق میں پچھلے 2 دن سے بہت مصروف تھی، ایسی مصروفیات جن کا شاید مجھے بھی علم نہیں تھا، کیا کوئی روشنی ڈالے گا؟۔

انہوں نے یہ سوال بھی اٹھایا کہ 5 اگست کے مقابلے میں 90 دن کاپلان کہاں سے آیا ہے؟ عمران خان کی رہائی کے لیے کس لائحہ عمل کا کل یا آج اعلان ہوا ہے؟ تحریک کہاں سے اور کیسے چلے گی؟ اگر آپ میں سے کسی کی نظر سے گزرا ہو تو میری بھی رہنمائی کر دیں، فوکس اور نشانہ صرف عمران خان کی رہائی اور نعرہ صرف ایک ہی ہے۔

(جاری ہے)

یاد رہے کہ پی ٹی آئی کی مرکزی قیادت کے اجلاس کے بعد لاہور میں پریس بریفنگ میں وزیراعلیٰ خیبرپختونخواہ علی امین گنڈا پور نے عمران خان کی رہائی کے لیے 90 روزہ تحریک چلانے کا اعلان کیااور کہا کہ تحریک کا باقاعدہ آغاز ہوچکا ہے، 5 اگست تک اپنی تحریک کو عروج پر لے جانا ہے اور 5 اگست کے بعد آئندہ کے لائحہ عمل کا اعلان ہوگا۔

انہوں نے کہا کہ عمران خان مسلسل مذاکرات کی بات کر رہے ہیں اور کہہ دیا ہے کہ اسی سے بات ہوگی جس کے پاس مینڈیٹ ہے، بانی پی ٹی آئی صرف اختیار والے کے ساتھ بات کرنے کا کہہ چکے ہیں، فیصلہ سازوں سے بات ہوگی اور اگر ان کے ساتھ سیاسی لوگ بھی بیٹھنا چاہتے ہیں تو منظور ہے۔